28 წლის ქართველი ფორვარდი ბაჩანა არაბული კარიერას ავსტრალიის A ლიგის ბინადარ "მაკარტურ ბულზში" განაგრძობს. ჩვენებურმა 1-წლიანი კონტრაქტი გააფორმა, რომელშიც დევს პუნქტი, რომლის მიხედვითაც, შრომითი ხელშეკრულების გახანგრძლივება კიდევ 1 წლით იქნება შესაძლებელი.
ავსტრალიის ჩემპიონატი 10 ოქტომბერს დაიწყება. "მაკარტურ ბულზის" მთავარი მწვრთნელი "მანჩესტერ იუნაიტედის" ყოფილი ფორვარდი, ტრინიდადელი დუაიტ იორკი გახლავთ.
რაც შეეხება არაბულს, ის ბოლოს ბერძნული "ლამიას" ღირსებას იცავდა. ავსტრალიურ გუნდში ორი ქართველი ფეხბურთელი, ბექა მიქელთაძე და ბექა დარციმელია, უკვე ირიცხება, რომლებიც "ნიუკასლ ჯეტსის" ღირსებას იცავენ.
!["კრისტალ პალასმა" "მანჩესტერ იუნაიტედი" 4:0 დაამარცხა [VIDEO]](/pictures/image7/b50f43bf8d198832cf2e0475db679f23.png "\"კრისტალ პალასმა\" \"მანჩესტერ იუნაიტედი\" 4:0 დაამარცხა [VIDEO]")
