ზარანდია ისევ პოლონეთში ითამაშებს

26 წლის ქართველი ნახევარმცველი ლუკა ზარანდია პოლონეთის რანგით მე-2 ლიგის მონაწილე კიელცეს "კორონას" წევრი გახდა და იქ სეზონის ბოლომდე ითამაშებს - ამის შესახებ კლუბის ოფიციალური გვერდი წერს.

ერთ დროს ლუკას მართლაც დიდ მომავალს უწინასწარმეტყველებდნენ, თუმცა, სამწუხაროდ, მისი კარიერა სათანადოდ ვერ განვითარდა. დაახლოებით 2 წელია, ზარანდია კარიერის გაგრძელებას ვერ ახერხებდა.

ქართველ ნახევარმცველს პოლონეთში თამაშის გამოცდილება უკვე აქვს - 3 სეზონი "არკას" ღირსებას იცავდა, სადაც 6 გოლის გატანა შეძლო.

26 წლის ფეხბურთელის ბოლო კლუბი ყაზახური "ტობოლი" იყო, საქართველოს ნაკრებში კი 2 შეხვედრა აქვს ჩატარებული.

ნახეთ ვინ დაბრუნდა - ზარანდიამ ვარჯიში განაახლა

ლუკა ზარანდია ბელგიაში ავარიაში მოყვა