ნიკა კვანტალიანი "ვიძევში" გადავიდა

ქართველმა ნახევარმცველმა ნიკა კვანტალიანმა ნიეჩიზას "ტერმალიკა" დატოვა და მე-2 ლიგის (რანგით მე-3 დივიზიონია) ლოძის "ვიძევში" ჩაირიცხა.

20 წლის კვანტალიანი "ტერმალიკაში" გადაბარგებამდე საქართველოს ყველა ასაკობრივ ნაკრებებში თამაშობდა, ბოლო სეზონში კი ბათუმის "დინამოში" იასპარეზა, რომლის რიგებშიც 26 მატჩში 1 გოლი გაიტანა.

მას კონტრაქტი სეზონის ბოლომდე გაუფორმეს და თუ თავი კარგად წარმოაჩინა, ხელშეკრულებას გაუგრძელებენ.

"ვიძევი" პოლონეთში ერთ-ერთი საუკეთესო კლუბი იყო, მაგრამ ფინანსური პრობლემები შეექმნა და ქვედა ლიგაში დაქვეითდა, ამ სეზონში კი უკვე 11 ფეხბურთელი დაიმატა და აღორძინებას ცდილობს.

ნიკა კვანტალიანი ნიეჩიზას "ტერმალიკაში" ჩაირიცხა

პოლონეთის ექსტრაკლასაზე ნიკა კვანტალიანის დებიუტი შედგა