დავით ხოჭოლავას შეცდომა "შახტარს" ძვირად დაუჯდა [VIDEO]

AutoSharing Option
AUTO PLAY
უკრაინის ჩემპიონატის 27-ე ტურში "შახტარი" ხარკოვში 0:1 დამარცხდა კიევის "დინამოსთან".

ეს მარტო ტურის კი არა მეორე წრის ცენტრალური შეხვედრა იყო, რომელსაც ხარკოვში, სადაც "მეშახტეები" ატარებენ საშინაო მატჩებს, 26 679 მაყურებელი დაესწრო.

პირველ ტაიმში სტუმრები ფლობდნენ ინიციატივას და გოლი ქართველი მცველის დავით ხოჭოლავას მიერ დაშვებული შეცდომის შედეგად გაიტანეს. მან საჯარიმოს წინ არაზუსტი გადაცემა გააკეთა, ბურთს ვოლოდიმირ შეპელევი დაეუფლა და 15 მეტრიდან მიუჩინა ადგილი ანდრეი პიატოვის კარის ბადეში.

შესვენების შემდეგ დონბასური გუნდი ბევრს უტევდა, მაგრამ ქულის გადარჩენა ვერ მოახერხა.

უკრაინულმა სპორტულმა პორტალმა
sportarena-მ დავითის თამაში ორივე გუნდიდან ყველაზე დაბალი ბალით - 4.5-ით შეაფასა. არადა, უკლებლივ ყველა სპორტულმა გამოცემამ ხოჭოლავა წინა ტურის სიმბოლურ ნაკრებში შეიყვანა. რას იზამ, ხდება ხოლმე და შეცდომისგან არავინ არაა დაზღვეული.

"შახტარი" "დინამოს" ახლა მხოლოდ 3 ქულით უსწრებს და 21 აპრილს ქართველების "ვორსკლას" მასპინძლობს.

მკითხველის კომენტარები / 10 /
კიევის დინამო პრინციპული მეტოქეა შახტარის და ასეთ მატჩში შეცდომა ძვირად დაუჯდება სამწუხაროდ. არ მგონია რომ მწვრთნელი შემდეგ მატჩში მისცემს შანსს.ის რომ ყველას მოსდის შეცდომა ეს არ ამართლებს ამ ბიჭის ასეთ ბავშვურ შეცდომას!
დავით 67
17:00 15-04-2018
2
რა ქენი გუდუნა ეს?
დათასგან დათას
16:57 15-04-2018
0

ასევე დაგაინტერესებთ
სიახლეები პოპულარული