შვედეთის თასზე "გეტებორგი" სტუმრად დამარცხდა "მალმიოსთან" 0:1. ამ შეხვედრაში პირველად ითამაშა სტუმართა გუნდში ახლახან "საბურთალოდან" გადასულმა 21 წლის ნახევარმცველმა გიორგი ხარაიშვილმა. ის 79-ე წუთზე მცველის ვიქტორ ვერნერსონის ნაცვლად შევიდა შეცვლაზე შეტევის გასაძლიერებლად.
ქვეყნის ჩემპიონატი 1 აპრილს იღებს სტარტს, "გეტებორგი" გასვლაზე "ტრელებორგს" ხვდება და იმედია, გიორგის თავის წარმოსაჩენად უფრო მეტი სათამაშო დრო მიეცემა.