გიორგი ჭანტურიას "ურალმა" კვიპროსში "არარატი" დაამარცხა და თასი მოიპოვა

კვიპროსულ შეკრებაზე ქართველი თავდამსხმელის გიორგი ჭანტურიას ეკატერინბურგის "ურალმა" ქალაქ პაფოსში 2:1 დაამარცხა რუსეთის ქვედალიგელი მოსკოვის "არარატი" (?!) და თასის მფლობელი გახდა.

ეს ტურნირი სულ ერთი მატჩისგან შედგება და Cyprus Champions Cup ეწოდება. რაც შეეხება გიორგის, პირველ ტაიმში ითამაშა და მუხლი იტკინა.

ეს გუნდები კვიპროსში ერთმანეთს 17 თებერვალს რუსეთის საფეხბურთო ლიგის თასზეც შეხვდებიან.