bombardir.ru: ჯანო ანანიძე "სპარტაკში" უკვე თითქმის 10 წელია თამაშობს - და მერე რა?

AutoSharing Option
რუსულ საფეხბურთო პორტალ bombardir.ru-ზე ჟურნალისტმა მიხაილ მოროზოვმა ვრცელი და ერთობ საინტერესო ანალიტიკური სტატია გამოაქვეყნა მოსკოვის "სპარტაკის" ქართველ ნახევარმცველზე ჯანო ანანიძეზე.

წერილში მოთხრობილია, თუ როგორი იმედით უყურებდნენ ჯანოს, მაგრამ მან ჯერ ვერ გაამართლა გაცემული ავანსები და იმედი აქვთ, რომ 2018 წელს მოახერხებს ამის გაკეთებას. გთავაზობთ ამონარიდს წერილიდან. ნუ დაიზარებთ, წაიკითხეთ.

"ვალერი კარპინი, უნაი ემერი, მურატ იაკინი, დმიტრი ალენიჩევი, მასიმო კარერა - ისინი აბსოლუტურად განსხვავებული მწვრთნელები არიან. მათ სხვადასხვა მიდგომა, სტილი, თავიანთი ღირსებები და სისუსტები აქვთ, მაგრამ ანანიძის შემთხვევაში ყველაფერი ყოველთვის დაახლოებით
ერთნაირად მთავრდებოდა: ხმამაღალი აფეთქება, სათადარიგოთა სკამზე მშვიდად გადანაცვლება, ტრავმა და შემდეგ ფორმაში ჩადგომის ხანგრძლივი პერიოდი. "როსტოვში" იჯარით ყოფნისას უკეთ გამოუვიდა, რამეთუ, სადაც ნაკლებია ზეწოლა, ფეხბურთიც მარტივია. ეს ნდობის დამსახურება იყო? საკამათოა, ვინაიდან "სპარტაკში" ნდობის დეფიციტს არასოდეს არ განიცდიდა.

ამ დღეებში უეფამ საქართველო ფეხბურთში პროგრესისთვის დააჯოლდოვა. ეს სამწუხაროდ არა თავად ფეხბურთს, არამედ Fair Play-ს რეიტინგს შეეხებოდა. ფეხბურთთან დაკავშირებით იქ ჯერჯერობით ყველაფერი მიყრუებულია - ნაკრებმა მუნდიალის შესარჩევ ციკლში ვერც ერთი მატჩი ვერ მოიგო, კლუბები კი ევროტურნირების ჯგუფურ ეტაპებთან ახლოსაც ვერ მიდიან. ჯანო თავის ნაკრებში კვირკველიასთან ერთად ლიდერია, სადაც ყველაზე უფრო მეტი ტიტულების მქონე არაა (ვთქვათ, კანკავამ ევროპა ლიგის ფინალში მიიღო მონაწილეობა), მაგრამ რომც წავიოცნებოთ და ამ გუნდს კალაძე, კობიაშვილი და არველაძე დავამატოთ, უფრო ძლიერი ვერ გახდება.

ანანიძე კარგი ფეხბურთელია, ჩინებული დარტყმა აქვს და გადამწყვეტი გადაცემის გაკეთებაც ეხერხება, მაგრამ ეტყობა, უმჯობესი იქნებოდა სხვა ეპოქაში დაბადებულიყო, რადგან თანამედროვე ველურ ფეხბურთში პრესინგისას ფონს გასვლა უჭირს. თუ მეტოქემ გასაქანი მისცა, თუ სივრცე დაუთმო, თუ მატჩისწინა ზეწოლა არ იქნა ძლიერი, თუ მწვრთნელთან საერთო ენას გამონახავს... მოკლედ, ძალიან ბევრი "თუა". ანანიძემ რუსეთში ყველა ტროფეი მოიგო, ბრინჯაოს გარდა ყველა სინჯის მედალი მიიღო, თუმცა არაა შეგრძნება იმისა, რომ ჩვენს ფეხბურთში რაიმე შესამჩნევი კვალი დატოვა. 8.5 წლის წინ ის აქ ათამაშდა. წინ შესაძლოა, ამდენივე აქვს და რა უნდა გააკეთოს, რათა მეორე 8.5 უკეთ წარმართოს?

ჯანოს სჭირდება გუნდი, სადაც მწვრთნელთან ერთ ტალღაზე იქნება, იქნება გუნდის წამყვანი ფეხბურთელი, ითამაშებს მისთვის მოსახერხებელ ფეხბურთს და არ განიცდის ზეწოლას. დაახლოებით ისე, როგორც "როსტოვში" იყო, ოღონდ უფრო ამბიციური კლუბი ესაჭიროება, თორემ წინააღმდეგ შემთხვევაში კარიერული წინსვლა არ ექნება. სასურველიდან ოდენ "კრასნოდარის" ვარიანტია, სადაც ლეგიონერები ისედაც უხვად არიან და ამის გამო რამოდენიმე მილიონად შეძენილ ვანდერსონს სათადარიგოთა სკამის ხეხვა უწევს.

"სპარტაკში" კი საზამთრო-საგაზაფხულო გადამწყვეტი ბრძოლების წინ ანანიძის ფორმაში ჩადგომას არავინ არ ელის. ასე რომ, გასულ წელს 20 მატჩში გაკეთებული 2 საგოლე პასი გუნდისთვის დიდი ვერაფერი დახმარებაა. გუნდისთვის, რომელიც ჯერ კიდევ ქვეყნის ჩემპიონია და წელს რომელიმე ტროფეის მოიგებს. მას შეტევაში უფრო შედეგიანი მოთამაშეები სჭირდება.

უკანასკნელ ხანს მოდაშია ლაპარაკი, რომ ეს წელი (2015,2016 და 2017) მისთვის გადამწყვეტია. ახლა ეს როგორც არასოდეს ისე ახლოსაა სიმართლესთან. საუკეთესო საფეხბურთო ასაკისაა (25 წლის), ძნელად წარმოსადგენია ამის მერე პროგრესირება მოახერხოს. დაელოდოს "სპარტაკში" ბოლო შანსს, კარიერული განტვირთისათვის სხვა კლუბში წავიდეს თუ სანამ გუნდში წმენდა არ მოხდება, დაკმაყოფილდეს სათადარიგოობით - რას აირჩევს ჯანო?

უდავოა, გვინდა სასწაულის იმედი გვქონდეს: ფორმაში ჩადგება და "თეთრ-წითლებს" გაზაფხულიდან სამივე ტურნირზე და კიდევ შემოდგომიდან სამივეზე დაეხმარება. გონიერება გვკარნახობს: უჯობს წავიდეს. არსებობს მესამე ვარიანტიც, ყველაზე იოლი - პერსპექტიულ ბიჭუნადვე დარჩეს და ერთ-ერთი იმათთაგანი გახდეს, რომელსაც საფეხბურთო ევროპა ვერ იხილავს".
მკითხველის კომენტარები / 11 /
უარესი ეკუთვნის ჯანოს სპარტაკში რო დარჩა და ან ღირებს ასე ალაპარაკებს....როცა ფულს ამჯობინებ წინსვლის პერსპექტივას ასე ხდება ..... არა და მაგუს გაცილებით უფრო წონადი მაგალითი გვქონდა უკვე ინგლისში...(ქინქლაძე)...
მიროსან
13:37 12-01-2018
2
ვინც იმას წერს ევროპაში წავიდესო ვის უნდა ვის კალთებს ახევენ ჯანოს და არ მიდის თუ რა. კარგადაა მაგ სპარტაკში და კაი ფულსაც შოულობს ასე რო დაანებეთ მაგ ბიჭს თავი ოჯახს არჩენს უმამო კაცია და რუსეთსაც მიეჩვია.ამხელა ხელფას კიდე სხვაგან არსად არ მიცემენ.
zaza
12:04 12-01-2018
7

ასევე დაგაინტერესებთ
სიახლეები პოპულარული