მოსკოვის "ლოკომოტივის" პრეზიდენტმა ილია გერკუსმა განაცხადა, რომ "მანჩესტერ იუნაიტიდისა" და ლონდონის "ტოტენჰემის", აგრეთვე ესპანური კლუბების სკაუტები მისი გუნდის მატჩებს ხშირად ესწრებიან, თუმცა არ იცის, ზუსტად რომელ ფეხბურთელებს აკვირდებიან.ვისაც "ლოკომოტივის" მატჩებისთვის უცქერია, შეამჩნევდა, რომ ეს გუნდი ვარსკვლავებით აშკარად არაა დაკომპლექტებული. მის შემადგენლობაში ქართველი მცველი საბა კვირკველია, ნახევარმცველები მანუელ ფერნანდესი და ალექსეი მირანჩუკი და თავდამსხმელი ჯეფერსონ ფარფანი გამოირჩევიან. ამათგან ფერნანდესი 31 წლისაა, ხოლო ფარფანი 33-ის. ასე რომ, მათი ინტერესის სფეროში სავარაუდოდ მხოლოდ კვირკველია და მირანჩუკი შეიძლება იყვნენ.
![კვირკველიას ავტოგოლი და საგოლე პასი "ალ აჰლის" წინააღმდეგ [VIDEO]](/pictures/image7/b25b6efb8f8e03d89ee8e7185572f0ae.jpg "კვირკველიას ავტოგოლი და საგოლე პასი \"ალ აჰლის\" წინააღმდეგ [VIDEO]")
