უნგრეთის ჩემპიონატის მე-15 ტურში "ბალმაზივაროშმა" სტუმრად 2:1 დაამარცხა "დიოშდიორი", გადამწყვეტი გოლი კი მსაჯის მიერ ძირითადი დროისათვის წამატებულ მე-4 წუთზე ბაჩანა არაბულმა თერთმეტმეტრიანით გაიტანა.მან ისევე როგორც მისმა თანაგუნდელმა ირაკლი მაისურაძემ შეხვედრა, რომელსაც 20 340-იან სტადიონზე 1 968 მაყურებელი დაესწრო, შეუცვლელად ჩაატარა.
არაბულმა ამ სეზონში მადიართა პირველობის 14 მატჩში 6 გოლი გაიტანა, მისი გუნდი კი 13 ქულით მე-10 ადგილზეა და გასავარდნ ზონას 2 ქულა აშორებს.
18 ნოემბერს, შემდეგ ტურში "ბალმაზივაროში" მე-11 პოზიციაზე მყოფ სომბათჰეის "ჰალადაშს" მასპიძლობს.
1:2 ბაჩანა არაბულის პენალტი
![არაბული ბერძნული გრანდების რისხვაა - მისი გუნდი ისევ დამარცხდა [VIDEO]](/pictures/image7/8e1f1ce1aee1a59d332374ba0e4b0eee.jpg "არაბული ბერძნული გრანდების რისხვაა - მისი გუნდი ისევ დამარცხდა [VIDEO]")
