არნემის "ვიტესის" კაპიტანმა და საქართველოს ნაკრების ფეხბურთელმა გურამ კაშიამ "ჰერნევენთან" (4:0) მატჩში LGBT-ფერებიანი კაპიტნის სამკლავურის გამო განმარტება გააკეთა.
აღნიშნულის შესახებ ქართველ ფეხბურთელს ჰოლანდიური გამოცემა nos.nl-ის ჟურნალისტმა ჰკითხა, რადგან ამ ქმედების გამო კაშია სოციალურ ქსელებში ქართველმა მომხმარებლებმა გააკრიტიკეს.
"ყოველთვის მხარს ვუჭერ ადამიანების თავისუფლებას და ძალადობის წინააღმდეგი ვარ. სანამ ადამიანი სხვებს ცუდს არ გაუკეთებს, მე მას მხარს დავუჭერ. რთულია ახსნა, მაგრამ ჩვენს ქვეყანაში ზოგი ადამიანი ამას ვერ იღებს.
ძალიან ცოტანი იყვნენ, ვინც ჩემს "ფეისბუქგვერდზე" გამოხატა უკმაყოფილება და რა თქმა უნდა, მე ამისთვის დიდი ყურადღება არ მიმიქცევია. ისინი ჩემით იმედგაცრუებულები იყვნენ. ეს არის და ეს.
მაგრამ მე არ მინანია, რაც გავაკეთე, ეს იყო ჩემი პასუხისმგებლობაც. მე არ ვღელავ იმაზე, თუ ვინ ხარ შენ, რას აკეთებ შენს ცხოვრებაში. თუ არაფერს უშავებ სხვა ადამიანებს, შეგიძლია იყო ის, ვინც გინდა, რომ იყო. ეს ჩემი ხედვაა და ასე არის ჰოლანდიაშიც. რამდენიმე ადამიანი ამით იმედგაცრუებული იყო, მაგრამ ეს დიდ სირთულეს არ წარმოადგენს", - განაცხადა კაშიამ.
ჰოლანდიელმა ჟურნალისტმა ასევე ქართველი ჟურნალისტის, გიორგი გიგაურის შესახებ ჰკითხა, რომელმაც თქვა: "ლგბტ კაშია საქართველოს ნაკრებიდან უნდა მოიკვეთოს".
"ეს მისი მხრიდან ძალიან სულელური საქციელი იყო, რადგან თავი რთულ სიტუაციაში ჩაიყენა და უფრო მეტი კრიტიკა ხვდა წილად. საკუთარ ეროვნებას ვერავინ შეიცვლის. ათასობით ადამიანი რომც იყოს წინააღმდეგი, თუ ჩემს ეროვნულ ნაკრებში გამომიძახებენ, მე აუცილებლად ჩამოვალ სათამაშოდ", - აღნიშნა გურამ კაშიამ.
17:41 23-10-2017
გურამ კაშიამ LGBT-ფერებიან სამკლავურზე საკუთარი პოზიცია დააფიქსირა
AutoSharing Option
ასევე დაგაინტერესებთ
უძრავი ქონება
სიახლეები
პოპულარული
-ეს ფეხბურთელია თუ უფლებადამცველი? არ წაიღეს ტვინია ამდენმა უფლება დამცველებმა?
სისულელე რო გადამდებია ეგ კაი ხანია დამტკიცებულია ახლა იქნებ მკითხოთ რატომაა გადამდები.
მაგათ რა თქვენი მხარდაჭერა ჭირდებათ აწუხებთ ვინმე თუ რაა? თუ კაი
ხალხი ხართ იმათ გამოუცხადეთ სოლიდარობა ვისაც მართლა ჭირდება
მუშებს მაგალითად, თქვენს თავს,კაბალურ პირობებში რო იმყოფებით
მავანთა გამო არაფერს ვამბობ მშიერ და მიუსაფარ ადამიანებზე,ომის და ტერორიზმის მსხვერპლებზე-ვერა ხოო? ძნელი ხო ამ მხრივ ნაბიჟის გადადგმა არავინ დაგიფასებთ ტაშსაც არავინ დაგიგრაკვთ არაა? მაჰათმა განგ- გახსოვთ?ახლა ხო ხვდებით ის ,,განათლებულები"" რატომაა სისულელე ასე ადვილად გადამდები და მისაბაძი ზოგიერთისთვის?
-მეტი არაა ჩემი მტერი.ეს უფლებადამცველი კი ნაკრებში არ უნდა იყოს.