ქართული ფეხბურთი

ლეგიონერები

ფონსეკა: ხოჭოლავამ თავი შესანიშნავად წარმოაჩინა

AutoSharing Option
ჩემპიონთა ლიგის ჯგუფური ეტაპის მე-3 ტურში "ფეიენოორდთან" მატჩში "შახტარის" მწვრთნელმა პაულო ფონსეკამ ქართველი ცენტრალური მცველი დავით ხოჭოლავა ძირითად შემადგენლობაში არ დააყენა, მაგრამ როდესაც 76-ე წუთზე მსაჯმა მეორე ყვითელი ბარათი უჩვენა დონეცკელთა მცველს იაროსლავ რაკიცკის და გააძევა, ტაქტიკური ცვლილება განახორციელა და თავდამსხმელ ფაკუნდო ფერეირას ნაცვლად შეცვლაზე შეუშვა.

რიცხობრივ უმცირესობაში დარჩენილმა დონბასელებმა ჰოლანდიელთა მასირებულ იერიშებს გაუძლეს, 2:1 გაიმარჯვეს, ჯგუფში 6 ქულით მე-2 ადგილზე არიან და "ფეიენოორდს" 21 ოქტომბერს ხარკოვში მასპინძლობენ.

ნამატჩევს ფონსეკამ ხოჭოლავა შეაქო:"ვის დავაყენებ ცენტრალურ მცველად ნიდერლანდელებთან მეორე მატჩში? კვირას კიევის
"დინამოს" ვხვდებით, მხოლოდ შემდეგ ვიფიქრებთ "ფეიენოორდთან" დაპირისპირებაზე. ხოჭოლავა შეცვლაზე შევიდა და თავი შესანიშნავად წარმოაჩინა. ამდენად, მე ამ მხრივ სანერვიულო არა მაქვს".
ასევე დაგაინტერესებთ