17 სექტემბერს, მისი გუნდი "სკა-ხაბაროვსკი" საკუთარ მოედანზე გროზნოს "ახმატს" დაუპირისპირდა და ქულას დასჯერდა - 2:2. მასპინძლებმა ანგარიში მე-13 წუთზე, სწორედ საქართველოს ნაკრების მცველის ეფექტური თამაშის წყალობით გახსნეს. გიორგიმ შეუცვლელად ითამაშა, 83-ე წუთზე კი გააფრთხილეს.
აღსანიშნავია, რომ "სკამ" პრემიერლიგაში ზედიზედ მეხუთე მატჩი დაასრულა ფრედ, სატურნირო ცხრილში კი 8 ქულით მე-12 ადგილზეა.