19 წლამდელთა ევროპის ჩემპიონატში, საქართველოს ნაკრების მეკარე გიორგი ჩოჩიშვილი ერთ-ერთი გამოსარჩევი ფიგურა გახლდათ. მის მიმართ ინტერესი სხვადასხვა ძლიერმა კლუბმა გამოხატა, მაგრამ გიორგიმ არჩევანი პრაღის "სლავიაზე" გააკეთა. როგორ გაიარა კლუბში ადაპტაცია ან რატომ გააკეთა ჩეხურ კლუბზე არჩევანი, ამ და სხვა თემებზე თავად გიორგიმ გვესაუბრა.
- პირველ რიგში, როგორ შეეწყვე ახალ გუნდს?
- გუნდს კარგად შევეწყვე. 21-წლამდელებში ძირითადი მეკარე ვარ და უკვე სამი თამაში ვითამაშე, ასე რომ ადაპტაცია მშვენივრად გავიარე.
- როგორი ურთიერთობა გაქვს თანაგუნდელებსა და მწვრთნელთან?
- გუნდელებთან მშვენიერი ურთიერთობა მაქვს,
- რა მოგეწონა პრაღის "სლავიაში" და როგორი პირობებია?
- მომეწონა დონე. "სლავია" ჩეხეთის მოქმედი ჩემპიონია - ევროტურნირებზე ხშირად გადის და ერთ-ერთი საუკეთესო მეკარეების სკოლა აქვს ევროპაში. რაც მთვარია პროგრესს ვგრძნობ.
- რამდენად იქნება სამომავლოდ შესაძლებელი, ძირითად გუნდში შენი დაწინაურება და რა გეგმები აქვთ შენთან მიმართებაში?
- შესაძლებელია ყველაფერი. მეკარის ტრანსფერი ყველაზე რთულია, თან მითუმეტეს, "სლავიაში" უცხოელი მეკარე არ თამაშობს. ვთვლი, რომ გამიმართლა და ჩემი შესაძლებლობები დაინახეს. მინუსები ბევრი მაქვს, მაგრამ საკუთარ თავზე ძალიან ბევრს ვმუშაობ და მჯერა, ყველაფერს შევძლებ.
- იყო საუბარი "მანჩესტერ სიტიზე" და კიდევ რამდენიმე კლუბზე. რატომ გადაწყვიტე ჩეხეთში წასვლა?
- სიმართლე გითხრათ, "სიტიდან" დაინტერესება იყო და მხოლოდ დაინტერესებად დარჩა. რამდენიმე თვის წინ მესამე ლიგაში ვთამაშობდი, დღეს კი აღმოსავლეთ ევროპის ერთ-ერთ საუკეთესო გუნდში ვარ. მოხარული ვარ აქ ყოფნით. და აქ თუ კარგად ვითამაშებ, მერე უკვე სხვა, უფრო მაღალი დონის გუნდებზეც შეიძლება ფიქრი.
- ვინ არის შენთვის სამაგალითო მეკარე და როგორი იქნებოდა შენი საოცნებო სეივი?
- მანუელ ნოიერი. კრიშტიანო რონალდოს ავუღებდი ჯარიმას და მისსავე სტილში აღვნიშნავდი.
როგორ შეეწყვე ახალ გუნდს და ადვილად გაიარე ადაპტაცია?
![[PREVIEW] "არსენალს" და "აიაქსს" რთული ბრძოლა ელით... "მანჩესტერი" და "ვილიარეალი" ცალი ფეხით ნახევარფინალში არიან [PHOTO]](/pictures/image7/9c2a30267b4d18cc1fede9b32c735868.jpg "[PREVIEW] \"არსენალს\" და \"აიაქსს\" რთული ბრძოლა ელით... \"მანჩესტერი\" და \"ვილიარეალი\" ცალი ფეხით ნახევარფინალში არიან [PHOTO]")
![გლაზგოში "სლავიას" 1 ფეხბურთელი დაასახიჩრეს, მეორეს გვირაბში სცემეს [VIDEO]](/pictures/image7/b5b1c87f41691b5cb69765a86cd4819d.png "გლაზგოში \"სლავიას\" 1 ფეხბურთელი დაასახიჩრეს, მეორეს გვირაბში სცემეს [VIDEO]")
![რომელუ ლუკაკუს შესანიშნავი საგოლე გადაცემა, რომელსაც ხელს ინიესტაც მოაწერდა [VIDEO]](/pictures/image7/7af8ddec321505b1ba2513ffc80cc652.jpg "რომელუ ლუკაკუს შესანიშნავი საგოლე გადაცემა, რომელსაც ხელს ინიესტაც მოაწერდა [VIDEO]")
![VAR-ი გასაუქმებელია? - "სლავიასა" და "ინტერის" მატჩში გაუგონარი ფაქტი დაფიქსირდა [VIDEO]](/pictures/image7/12a7306f394a30f41b0fff959616aeca.jpg "VAR-ი გასაუქმებელია? - \"სლავიასა\" და \"ინტერის\" მატჩში გაუგონარი ფაქტი დაფიქსირდა [VIDEO]")
