"ორენბურგის" პრეზიდენტი: ქეცბაიას გადადგომის მიზეზი სხვა იყო

"ორენბურგის" პრეზიდენტმა ვასილი სტოლიპინმა გუნდის მთავარი მწვრთნელის თანამდებობიდან თემურ ქეცბაიას წასვლის მიზეზებზე ისაუბრა. მისი თქმით, 49 წლის ქართველ სპეციალისტთან კონტრაქტის გაწყვეტის მიზეზი სპორტული შედეგები არაა.

- თემურ ქეცბაიამ "ორენბურგის" მთავარი მწვრთნელის თანამდებობა დატოვა

სტოლიპინს "სპორტ ექსპრესის" ჟურნალისტი დაუკავშირდა.

- რატომ გადაწყვიტეთ ქეცბაიასთან გამომშვიდობება?
- ყველაფერი ოფიციალურ საიტზე წერია - მხარეთა ორმხრივი შეთანხმებით.

- ცოტა ხნის წინ გავრცელდა ინფორმაცია, რომ სპეციალისტი მხოლოდ ერთ მატჩს გამოტოვებდა ოჯახური მიზეზით. მოხდა რამე?
- მოგეხსენებათ, ეს მისი პირადი საქმეა, ოჯახური.

- გადადგომა სპორტულ შედეგებთან კავშირშია?
- არა, სხვა მიზეზები იყო.