5 აგვისტოს ქართველი ფეხბურთელების გუნდებმა ითამაშეს. გოლით თავი მხოლოდ ზაქარია ბეგლარიშვილმა გამოიჩინა.გურამ კაშიას შეხვედრაში კი უცნაური რამ მოხდა.
დანია. სუპერლიგა
საბა ლობჟანიძის "რანდერსი" სტუმრად "ჰობროსთან" ანგარიშით 0:2 დამარცხდა. ლობჟანიძე 82-ე წუთზე შეცვალეს. 4 ტურის შემდეგ 1 ქულით ბოლო ადგილზეა.
ესტონეთი. მეესტრილიგა
ზაქარია ბეგლარიშვილის "ფლორამ" 22-ე ტურში სტუმრად "ვაპრუსი" 8:1 გაანადგურა. ბეგლარიშვილმა ანგარიში 2:0 მე-12 წუთზე გახადა. ის 46-ე წუთზე შეცვალეს. "ფლორა" 58 ქულით პირველ ადგილზეა.
იხილეთ ვიდეო
უნგრეთი
ბაჩანა არაბულის "ბალმაზივაროშმა" შინ DVTK 4:0 გაანადგურა. არაბული 76-ე წუთზე შეცვალეს.
პოლონეთი. ექსტრაკლასა
ლაშა დვალის "პოგონი" მეოთეხ ტურში სტუმრად "ზაგლებიესთან" ანგარიში 0:3 დამარცხდა. დვალმა სრულად ითამაშა.
რუსეთი. პრემიერლიგა
საბა კვირკველიას მოსკოვის "ლოკომოტივმა" გიორგი ნავალოვსკის "სკა-ხაბაროვსკი" მიიღო და მინიმალური ანგარიშით დაამარცხა. ორივე ქართველმა სრულად ითამაშა. აღსანიშნავია, რომ "ლოკომოტივი" პირველ ადგილზეა და მისი დაწევის შანსი მე-4 ტურში მხოლოდ "ზენიტს" აქვს.
ჯიმი ტაბიძის "უფმა" "ახმატი" მიიღო და ანგრიაშით 3:2 დაამარცხა. ტაბიძემ მატჩი სრულად ჩაატარა. უფა 8 ქულით მე-4 ადგილზეა.
რუსეთი. I დივიზიონი
თემურ ქეცბაიას "ორენბურგმა" მე-6 ტურში სტუმრად "ვორონეჯი" მინიმალური ანგარიშით დაამარცხა. ქეცბაიას გუნდი 9 ქულით მე-9 ადგილზეა.
სლოვაკეთი. ფორტუნა ლიგა
გიორგი ჭანტურიშვილის "ტრნავამ" მესამე ტურში გიორგი ბერიძის "ტრენჩინი" მიიღო და ანგარიშით 2:1 დაამარცახ. ჭანტურიშვილი 79-ე წუთზე შეცვალეს, ხოლო ბერიძე 46-ე წუთზე შემოვიდა.
უკრაინა. პრემიერლიგა
დონეცკის "შახტარმა" "მარიუპოლი" შინ 3:1 დაამარცხა. დავით ხოჭოლავა განაცხადში იყო, თუმცა არ უთამაშია.
აშშ. MLS
ვაკო ყაზაიშვილის "სან ხოსემ" "კოლუმბუს" უმასპინძლა და ანგარიშით 2:1 დაამარცხა. ქართველი შემტევი მოედანზე მე-80 წუთზე შევიდა.
ჰოლანდია. სუპერთასი
გურამ კაშიას "ვიტესმა" სუპერთასი "ფეენორდთან" დათმო. მატჩის ძირითადი დრო 1:1 დასრულდა. პენალტების სერიაში კი "ფეენორდმა" 4:2 იმარჯვა. კაშიამ შეუცვლელად ითამაშა.
- მსაჯმა გოლი გააუქმა და პენალტი დანიშნა - კაშიას "ვიტესს" ამანაც ვერ უშველა [VIDEO]
