თბილისში, ამხანაგურ მატჩში საქართველოს ნაკრებთან 0:4-ზე დამარცხების შემდეგ, ლიტველთა მწვრთნელს ედგარას იანკაუსკასს პრეს-კონფერენცია არ ჩაუტარებია, ის გუნდთან ერთად ერევანში გაემგზავრა, სადაც 27 მარტს სომხეთის ეროვნულ გუნდს შეხვდებიან. მან თანამემამულე ჟურნალისტებს შემდეგი განუცხადა:"ეს ჩვენი ნაკრების ისტორიაში ყველაზე ცუდი შეხვედრა იყო. ეტყობა, დაგვავიწყდა, რომ ევროპული ფეხბურთის დიდ სივრცეში კარგი გუნდები სხვაგანაც არიან. მოწინააღმდეგემ ყველა საფეხბურთო კომპონენტში დაგვჯაბნა. ჩვენ არა გვყავს ლიდერი, რომელიც თამაშს თავის თავზე აიღებს და მატჩში გარდატეხას შეიტანს. მართლაც სამწუხაროა, რამეთუ ქართველებთან სამარცხვინოდ ვითამაშეთ".
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
