ბელარუსის მწვრთნელი: სომხეთზე უფრო სუსტ ნაკრებს შევხვდით

საქართველოს ნაკრებთან ნამატჩევს (2:2) ბელარუსის ეროვნული გუნდის მწვრთნელმა იგორ კრიუშენკომ შემდეგი განაცხადა:

"კარგი თამაში იყო. იყო ბრძოლა. შევხვდით სომხეთის ნაკრებზე ოდნავ სუსტ მეტოქეს. მაღალ პრესინგს ფლანგების მოშიშვლების შიშით მოვერიდეთ.

წუნი ახლაც ბევრი გვქონდა. იდეალურად არ გავრჯილვართ. პირველი გოლი იმიტომ გავუშვით, რომ ბურთის ატანის ნაცვლად უკან გავაკეთეთ გადაცემა. შედეგად, კუთხური მივიღეთ. კუთხურს კი გოლი მოყვა. შეცდომები საკმაოდ გვქონდა. მიუხედავად ამისა, დავინახე ერთიანი გუნდი. ამან გამახარა.

პირველ ტაიმში შეტევა არ გამოგვივიდა, ხოლო მეორეში მეტოქის დაცვაში თავისუფალი ზონები გაჩნდა და იერიშების მიტანა გაგვიადვილდა.

რატომ ვაწუხებდით მათ მეკარეს იშვიათად? გადაცემები არ გამოგვდიოდა. ამიტომ ვერ ვასრულებდით შეტევებს ლოგიკურად. ორი მომენტიდან ორივე გამოვიყენეთ".