ეროვნული ლიგა. XXXIV ტური: "სამტრედიამ" სამეული გაინაღდა, "დინამო" კონკურენტს ელის [VIDEO]

18 ნოემბერს ეროვნული ლიგის XXXIV ტურის ორი მატჩი გაიმართა.

ეროსი მანჯგალაძის სახელობის სტადიონზე "სამტრედიამ" ფოთის "კოლხეთს" უმასპინძლა და ანგარიშით 5:0 გაანადგურა.

მე-19 წუთზე ნიკოლოზ საბანაძემ ანგარიში გახსნა, ხოლო შემდეგ მაიკლ ოლაიტანიმ (33, 48) დუბლი მიითვალა. 59-ე წუთზე მასპინძელთა კიდევ ერთმა ლეგიონერმა ანტე გიიმ გამოიჩინა თავი. 73-ე წუთზე კი გიული მანჯგალაძემ საბოლოო ანგარიში დააფიქსირა.

ამ გამარჯვებით "სამტრედიას" 64 ქულა დაუგროვდა და ეროვნული ლიგის სატურნირო ცხრილის სამეულში ადგილი გაინაღდა.



სამტრედია: 12. ომარ მიგინეიშვილი, 3. ლაშა კასრაძე, 6. გიული მანჯგალაძე, 7. დავით რაჟამაშვილი (64 გურამ სამუშია), 10. ნიკოლოზ საბანაძე, 18. ჯემალ გოგიაშვილი, 22. გიორგი მჭედლიშვილი, 24. ბაკარ ბალდე, 26. გიორგი დათუნაიშვილი (კ), 80. ანტე გიი (68 ვალერი ოლხოვი), 99. მაიკლ ოლაიტანი (77 გიგლა ბურკაძე)

კოლხეთი: 26. კონსტანტინე სეფიაშვილი, 2. გიორგი კილასონია (57 თამაზ ჟიშკარიანი), 3. ალექსანდრე გურეშიძე, 4. ლაშა გოგონაია (კ), 6. ამოს ნონდი (63 ლუკა მახარაძე), 8. ლევან კაკულია, 9. იგორ ბროვკო, 10. ალეკსანდრ დერებჩინსკი, 14. გიორგი ჯანელიძე, 18. ჯონ მაჩარია, 99. გიორგი ბუხაიძე

* * *
ქობულეთის "შუქურამ" "რაგბი არენაზე" თბილისის "დინამოს" უმასპინძლა და მინიმალური ანგარიშით დამარცხდა. შეხვედრაში ერთადერთი გოლი ხვიჩა კვარაცხელიამ 78-ე წუთზე გაიტანა. ამ მოგებით "დინამოს" 74 ქულა დაუგროვდა და თუ დღეს "ტორპედომ" საჩხერის "ჩიხურასთან" წააგო დინამოელები ჩემპიონობას ორი ტურით ადრე იზეიმებენ.



შუქურა: 12. ვლადიმირ მელნიჩენკო, 3. გიორგი კალანდაძე (22 შერმადინ ართმელაძე), 98. გელა გოგიტიძე, 99. რომან ჩაჩუა, 27. გიორგი კახელიშვილი, 8. ჯეფინიო, 11. ირაკლი კლიმიაშვილი (კ), 14. მარსელინიო, 17. ალექსანდრე გურული, 13. კობა შალამბერიძე, 7. დავით ჩაგელიშვილი (84 ერეკლე მალაზონია)

დინამო (თბ): 1. სერგი ლიტოვჩენკო, 3. ლაშა თოთაძე, 5. ლევან გეგეჭკორი, 8. ოთარ კიტეიშვილი (კ), 9. ბექა მიქელთაძე (90 გიორგი გადრანი), 11. აკაკი შულაია, 15. ლაშა ქოჩლაძე, 20. ლაშა სალუქვაძე, 24. დავით კობოური, 27. გიორგი კუცია (46 ზურიკო დავითაშვილი), 31. ბექა ქავთარაძე (57 ხვიჩა კვარაცხელია)