ტრავმამ არაერთი ქართველი ფეხბურთელი დახია უკან და სანაკრებო კარიერაც დაუბრკოლა - ლევან მჭედლიძე, ჯანო ანანიძე, მათე ვაწაძე, ახლა თორნიკე ოქრიაშვილიც...მართალია, ნაკრებში სისტემატურად არ თამაშობდა, მაგრამ საკმაოდ კარგი საკლუბო კარიერა ჰქონდა ბაჩანა ცხადაძეს. თუმცა თავდამსხმელს კარიერის საკმაოდ დიდი ნაწილი სწორედ ტრავმის გამო გაუცდა.
2016 წელს, თბილისის "ლოკომოტივიდან" "სამტრედიაში" გადასული თავდამსხმელი პირველივე შეხვედრაში მძიმედ დაშავდა და კარგა ხანს მკურნალობდა. ახლა ის უკვე მომჯობინდა და როგორც თავად გვითხრა, საჩხერის "ჩიხურაში" ჩაირიცხა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
