გიორგი ნემსაძე: ასეთ შეცდომას აღარ დავუშვებ!..

AutoSharing Option
საქართველოს 17-წლამდელთა ნაკრებმა ყაზახეთში დასრულებულ "პრეზიდენტის თასზე" მეორე ადგილი დაიკავა. გიორგი ნემსაძის გაწვრთნილმა გუნდმა ფინალი პენალტების სერიაში დათმო რუს თანატოლებთან.

- U17. საქართველო-რუსეთი 1:1 (4:5) - ფინალი პენალტებით დავთმეთ [VIDEO]

მთავარია, ჩვენი გუნდი კარგად მოემზადოს ოქტომბერში გასამართი ევროპის ჩემპიონატის შესარჩევი ციკლისთვის, რომელშიც მისი მეტოქეები იტალიის, ჩერნოგორიისა და ლატვიის ნაკრებები იქნებიან.

ნემსაძის გუნდი თბილისში დაბრუნდა. "ლელო" საქართველოს ნაკრების მთავარ მწვრთნელს ყაზახური ბატალიების თაობაზე ელაპარაკა:

"როგორც იცით, ვემზადებით ევროპის ჩემპიონატის შესარჩევი ციკლისთვის. ამ კუთხით შევხედოთ საკითხს და ვთქვათ, რომ ყაზახური ტურნირი ჩვენი გუნდისთვის ძალიან სასარგებლო იყო. ჯგუფში სამი შეხვედრა ჩავატარეთ, მერე ფინალი ვითამაშეთ. რა თქმა უნდა, ძალიან ბევრი რამ ვნახე და ჩავინიშნე ჩემს სამწვრთნელო შტაბთან ერთად...

პირველი დადებითი ტენდენცია, ეს არის გოლისკენ სწრაფვა. ამას ვხედავდი ჩვენი გუნდის თითოეულ თამაშში მთელი ტურნირის მსვლელობისას. ძალიან მომეწონა ის, რომ ჩვენი შეტევების დროს ძალიან კარგად მოქმედებდა ურთიერთდაზღვევა. ბურთი თუ იკარგებოდა, იქვე ხდებოდა მისი დაბრუნება...

რა თქმა უნდა, იყო ბევრი ნაკლიც. ევროპის ჩემპიონატის შესარჩევ ციკლამდე დარჩენილ დროში აუცილებლად მომიწევს გარკვეული სათამაშო რგოლების გადახალისება. ამას ვერ ავცდებით.

ფინალში მარცხს რაც შეეხება, ცხადია, ამას თავისი მიზეზები ჰქონდა. ჯგუფური ეტაპის ბოლო ტურში რუსეთმა, პრაქტიკულად, დაისვენა, რადგან 2 მოგებით უკვე გასული იყო ფინალში. ჩვენ კი ბოლო ტურში ვეთამაშეთ ჩვენსავით 6-ქულიან ყაზახეთს და შესაბამისად, დიდი ბრძოლა გველოდა.

შესწავლილი მყავდა მეტოქე და ვიცოდი, რომ აუცილებლად გვექნებოდა უპირატესობა. ასეც მოხდა. პირველი ტაიმი სამბურთიანი სხვაობით მოვიგეთ. მეორე ტაიმში ცვლილებებს მივმართეთ და 4 გოლი გავუშვით, მატჩიც ფრედ დასრულდა...

ახლა რომ ვაანალიზებ, არ უნდა გამეკეთებინა ის ცვლილებები, ან ცოტა მოგვიანებით უნდა შემეცვალა ის ფეხბურთელები. ჩვენ შეცდომებზე ვსწავლობთ და მომავალში ასეთ შეცდომას არავითარ შემთხვევაში აღარ დავუშვებ!..

ფინალურ მატჩში ჩვენი გუნდი მეტოქესთან შედარებით გადაღლილი იყო. პირველ ტაიმში რუსებს ჰქონდათ უპირატესობა, მაგრამ მეორე ნახევარში თამაში გათანაბრდა. ჩვენც დავიწყეთ იმ ფეხბურთის თამაში, რომელიც გვახასიათებს. ბოლოსკენ ძალიან კარგი მომენტი გვქონდა, მაგრამ რუსები მეკარემ გადაარჩინა...

ევროპის ჩემპიონატის შესარჩევი ციკლი ოქტომბერში, თბილისში გველის. შემდეგ ეტაპზე ორი გუნდი გადის და, რა თქმა უნდა, მიზანი ამ ბარიერის დაძლევაა", - გვითხრა გიორგი ნემსაძემ.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 8 /
რაა, მეორე ტაიმში ვაჯობეთო? ვის აჯობეს? მე2 წუთზე გოლი გაიტანეს და 75 წუთი დაცვაში იდგა 11 ვე ფეხბურთელი, "პენალტებამდე როგორმე მივიდეთო" სახეზეც ეტყობოდათ და საქციელზეც, ამის "ნატრენერალი" არ გაიშვა, აგინებს ბავშვებს, რეპორტაჟს ვინც ყურადრებით უყურა, გაიგებდა, (თავი შეიკავა ბოლომდე დამთავრებისგან). არის ამ ასკში რამდენიმე ბიჭი, ვინც ბურთი იცის და დროზე მიხედეთ, ნემსაძისნაირებს ნუ ჩაუგდებთ ხელში.
ვასილიჩი
14 სექტემბერი 2017 14:37
0
რუსეთის ასაკობრივ ფეხბურთში ვინც არის ჩახედული კარგად იციან რომ ასაკის თემა ძალიან მიშვებულია, არარსებობს აკადემიებში რომ მინიმუმ 2 წელი არ გადაუკეთონ, სხვანაირად არ შეიძლება რადგან ყველა გუნდში ეგრეა, ეხლა ჩვენი ბიჭები ეთამაშნენ სინამდვილეში მაგათ 1998-1999 წლებში დაბადებულებს!
ramaz727
14 სექტემბერი 2017 13:17
2
ვუყურე თამაშს, რუსები ფიზიკურად გვჯობნიან ,არც ორგანიზების დონით ჩამოუვარდებიან ევროპელებს. ეტყობათ რომ ნასწავლი აქვთ ფეხბურთი. ჩვენები როგორც ყოველთვის ნიჭიერები, ტალანტიანები ,არც ცუდად უთამაშიათ, მაგრამ აკლია ევროპული დისციპლინა და ორგანიზაცია. ცხოვრების პირობები გვინდა კარგი,რომ გავიზარდოთ სიმაღლეში და ჯანიანები ვიყოთ. არა ვართ ათლეტები. მარტო ლობიანების ჭამა არ უშველის , კარგი კვება გვინდა და გამძლეობაც მოვა
ჯორჯია
13 სექტემბერი 2017 22:48
2
რა ცალ ფეხებიანები თუ უთავოები შეუშვა სათამაშოდ
მურთაზი
13 სექტემბერი 2017 20:50
2
ვინმემ რამე გაიგეთ?
Gela
13 სექტემბერი 2017 19:32
2
ისეთი ვინ გამოუშვი მეორე ტაიმში რომ ოთხი ბურთი გაგიტანეს? გამოდის რომ შეცდომა მათი გამოყვანა კი არა საერთოდ გუნდში ყოფნაა! ეს ერთი! მეორე, საინტერესოა რატომ არაა ნაკრებში არც ერთი ფეხბურთელი დასავლეთ საქართველოდან? იქნებ გაანძრიოთ ერთი ადგილი ბატონო გიორგი და რეგიონებში გახვიდეთ?!
andro
13 სექტემბერი 2017 17:37
3
კაი თუ ძმა ხარ რაა? სადაა გამსვლელი ესა, არ იცნობ ალბათ, თორემ მსგავს რამეს არ მოთხოვდი, მზამზარეულა ტიპია და რასაც ფეხბურთელობაში მიაღწია, მამამისის უკანდევნა-გინების დამსახურება იყო (შიშის ფონზე).
g.v.g.
14 სექტემბერი 2017 14:42
0
ძალიან მომეწონა თვითკრიტიკული განწყობა..... დარწმუნებული ვარ, რომ როგორი კარგი და საამაყო ფეხბურთელიც იყავით, ისეთივე მწვრთნელიც დადგებით ჯამში..... წარმატებები გიორგი.......
elgvisa
13 სექტემბერი 2017 16:55
6
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სიახლეები პოპულარული