18 წ. | როტაციით ნიდერლანდებთან

2023 წლის რაგბი ევროპის 18-წლამდელთა ჩემპიონატის თასის ნახევარფინალში "უმცროსი ბორჯღალოსნები", დღეს, 14 ნოემბერს, ჩვენი დროით 19:00 საათზე, ჩეხეთში (პრაღა), "მარკეტა რაგბი სთედიუმზე", ნიდერლანდებს ერკინება.

1/4-ფინალში საქართველომ შვეიცარია დიდი ანგარიშით, 86:10 დაამარცხა. ტურნირის პირველ რაუნდში საქართველოს შემდეგ ნიდერლანდებმა, რომლის შემადგენლობაშიც ინგლისურ და ფრანგულ კლუბებში მოთამაშე 8 მორაგბეა, ყველაზე დიდი სხვაობით იმარჯვა – ბელგია 34:6 დაამარცხა. დანარჩენ 1/4-ფინალებში პორტუგალიამ რუმინეთს 22:15, ხოლო ესპანეთმა ჩეხეთს 25:15 მოუგო.

შვეიცარიასთან მოგებული მატჩის შემდეგ როტაციის პრინციპით სასტარტო შემადგენლობაში ერთბაშად 10 მოთამაშე შეიცვალა. ძირითადში ადგილი შეინარჩუნეს მგეზავმა

ბუბა ნოზაძემ, შუამარბმა გიორგი ხაინდრავამ და მთელმა მესამე ხაზმა – ლუკა საღინაძემ, ნიკა აბესაძემ და ანდრო დვალმა.

შერკინების პირველ ხაზში ამჯერად თამაშს გიორგი ძაგანია, შოთა ხელაძე და მათე ღურწკაია იწყებენ, მეორე ხაზში კი დავით ლაგვილავა და მიხეილ შიოშვილი შეწყვილდებიან.

9 ნომრის პოზიციაზე ძირითადშია გიორგი სპანდერაშვილი. ცენტრში ხაინდრავას ნუგი ქევხიშვილი შეუწყვილდება, ფრთებზე ლუკა კეშელავა და ტატო ბურთიკაშვილი დადგებიან, ფულბეკი კი გიორგი ბოლქვაძეა.

2023 წლის რაგბი ევროპის 18-წლამდელთა ჩემპიონატი
ჩეხეთი. პრაღა. თასის ნახევარფინალი. 19:00 საქ. დრო
საქართველო – ნიდერლანდები
საქართველო

ხაზი: 15. გიორგი ბოლქვაძე (ლელო), 14. ტატო ბურთიკაშვილი (ვეფხვები), 13. ნუგი ქევხიშვილი (ლელო), 12. გიორგი ხაინდრავა (ლელო), 11. ლუკა კეშელავა (არმია), 10. ბუბა ნოზაძე (ბათუმი), 9. გიორგი სპანდერაშვილი (ლელო);

შერკინება: 1. გიორგი ძაგანია (სტად ნისუა, საფრანგეთი), 2. შოთა ხელაძე (ლელო), 3. მათე ღურწკაია (ყოჩები), 4. დავით ლაგვილავა (გრენობლი, საფრანგეთი), 5. მიხეილ შიოშვილი (ლელო), 6. ლუკა საღინაძე (ლიონი, საფრანგეთი), 7. ნიკა აბესაძე (ლელო), 8. ანდრო დვალი (ლელო, კაპ.).

მარქაფა: 16. მიხეილ ხახუბია (ლელო), 17. ნიკა ქუმარიტოვი (ლოკომოტივი), 18. გიორგი მესხიძე (ხვამლი), 19. გაგი მარგველაშვილი (რასინგ 92, საფრანგეთი), 20. კახა შეყილაძე (ორიაკი, საფრანგეთი), 21. გიორგი ჯაში (არმია), 22. გიგი სირბილაძე (სქარბოროუ, ინგლისი), 23. დავით ბარბაქაძე (არმია), 24. სანდრო სესიაშვილი (არმია), 25. ნიკოლოზ ხალვაში (ლელო), 26. თემო წულუკიძე (იუნკერები).

Rugby.ge

U18. საქართველოს ნაკრებმა შვეიცარია გაანადგურა და ნახევრფინალში გავიდა

ასაკობრივი ნაკრები

18 წ. | როტაციით ნიდერლანდებთან