სოფიო სომხიშვილმა ჭაბუკ ძიუდოისტთა მსოფლიოს ჩემპიონატზე ვერცხლის მედალი მოიპოვა

ქართველმა ძიუდოისტმა სოფიო სომხიშვილმა ჩილეში ჭაბუკ ძიუდოისტთა მსოფლიოს ჩემპიონატზე ვერცხლის მედალი მოიპოვა.

სომხიშვილი ფინალში ხორვატ სპორტსმენთან ჰელენა ვუკოვიჩთან ვაზარით დამარცხდა და ვერცხლის მედალს დასჯერდა.

ტურნირის დასკვნით დღეს ჩვენ ნაკრებს მედალი მხოლოდ სომხიშვილმა მოუტანა.

მიხეილ ბექაური, გიორგი კარიაული (ორივე -90), ალექსი სვიანიძე და ლევან ჭელიძე (ორივე +90) მედლების გარეშე დარჩნენ.

მსოფლიო ჩემპიონატი 13 აგვისტოს გუნდური შეჯიბრით დასრულდება, სადაც პირველად ძიუდოს ისტორიაში, ბიჭებისა და გოგონების გაერთიანებული გუნდები იასპარეზებენ და მათ შორის საქართველოს ჭაბუკთა ნაკრებიც.