საქართველოს სათხილამურო ფედერაცია 2015-16 წლების სეზონის სპორტულ ჩემპიონატებს ქვეყნის მასშტაბით 4 ლოკაციაზე ჩაატარებს - გუდაური, ბაკურიანი, გოდერძი და მესტია. ამის შესახებ დღეს, 24 დეკემბერს სასტუმრო "რედისონში" გამართულ პრესკონფერენციაზე გახდა ცნობილი.წლევანდელ შეჯიბრებაში მონაწილეობას იღებენ საქართველოს ეროვნული და ბავშვთა ნაკრებები, გუდაურის, თბილისის წმ. გიორგის სახელობის სკოლის, ბაკურიანის, მესტიისა და აჭარის სათხილამურო სკოლის სპორტსმენები.
ცნობილი გახდა, რომ საქართველოსა და ასევე, ბავშვთა ნაკრებს ახალი მწვრთნელები ჰყავთ - ვალერიან ჯაფარიძე და იასონ აბრამაშვილი.
პრესკონფერენციაზე ფედერაციის წარმომადგენლებმა სხვადასხვა ეტაპის მიმდინარეობა და ლოკაციები გააცნეს დამსწრე საზოგადოებას.
27 დეკემბერს საქართველოს თასის ასპარეზობა გიგანტურ სლალომში, ხოლო 28 დეკემბერს სლალომში ჩატარდება. გოგონები და ვაჟები სამ ასაკობრივ ჯგუფში იასპარეზებენ (ბავშვები, დაბადების წელი 2002-03; დაბადების წელი 2000-01;მოზრდილები და იუნიორები, დაბადების წელი 1999 და უფროსი).
ქვეყნის მასშტაბით, ტურნირების მაღალ დონეზე ჩატარებას სპორტისა და ახალგაზრდობის საქმეთა სამინისტრო და მთის კურორტების განვითარების კომპანია უზრუნველყოფს. სათხილამურო ფედერაციის გენერალური სპონსორი კომპანია "სილქნეტია".
R
