ევროპის ჩემპიონატზე საქართველოს სახელით მოასპარეზე კოზმავა-ზოლოტარევის წყვილის დებიუტი შედგა [VIDEO]

AutoSharing Option
AUTO PLAY
30 იანვარს, ევროპის ჩემპიონატზე ფიგურულ სრიალში, საქართველოს სახელით, წყვილთა შეჯიბრებაში ტატიანა კოზმავა და ალექსანდრ ზოლოტარევი გავიდნენ.

საქართველოს სახელით მოასპარეზე წყვილისთვის ევროპის ჩემპიონატი სადებიუტოა და საკმაოდ წარმატებულიც გამოდგა.

მათ პირადი რეკორდი გააუმჯობესეს და მოკლე პროგრამაში 40.20 ქულა დაიმსახურეს. თუმცა ამ შედეგით ტატიანამ და ალექსანდრემ 27-ე ადგილი დაიკავეს და კვალიფიკაციის გავლა ვერ მოახერხეს.

ტატიანა 1996 წელს თბილისში დაიბადა, ხოლო ალექსანდრი - 1995 წელს ტომსკში. მათი მწვრთნელები იგორ ლუკანინი და კრისტენ ფრეიზერი არიან.

აქვე გეტყვით, რომ წელს ევროპის ჩემპიონატზე საქართველოს სახელით ქალებში ელენე
გედევანიშვილი
ასპარეზობს. მან მოკლე პროგრამაში მე-19 ადგილი დაიკავა, რაც ფინალში გასასვლელად საკმარისი აღმოჩნდა. გედევანიშვილი თავისუფალი პროგრამით 31 იანვარს წარდგება.

რაც შეეხებათ ლიდერებს, პირველ ადგილს 71.06 ქულით ფრანგები - გაბრიელა პაპადაკისი და გიიომ ციცერონი იკავებენ; მეორე ადგილზე რუსები - ელენა ილინიხი და რუსლან ჟიგანშინი არიან 69.94 ქულით, ხოლო მესამეზე იტალიელი წყვილი - ანა კაპელინი და ლუკა ლანოტე 69.63 ქულით.

შეგახსენებთ, რომ ევროპის ჩემპიონატი ფიგურულ სრიალში 28 იანვარს, სტოკჰოლმში დაიწყო.

ასევე იხილეთ:
ელენე გედევანიშვილი ევროპის ჩემპიონატზე მოკლე პროგრამით მე-19 ადგილზე გავიდა [VIDEO]
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული