საქართველოს ბერძნულ-რომაული სტილით მოჭიდავეთა ნაკრებმა ერთი ვერცხლი მოიპოვა თეირანში დასრულებულ "იადიგარ იმამის თასზე", რომელსაც 66 კილოგრამ წონით კატეგორიაში მარადი აბულაძემ დაისაკუთრა. ფინალამდე მან სამი შეხვედრა მოიგო - ერაყელი მოჰამედ კარეენ მოჰამედი 8:0, ჩრდილო კორეელი ვონ ჰაკ რი 2:1; 6:3, ნახევარფინალში კი იაპონელი ჰიეუკი ოტოიზუმი ისევ 8:0 პირველივე პერიოდში დაამარცხა.
ფინალი აზერბაიჯანელ აზად ალიევთან 0:7; 0:4 დათმო.
თეირანში ჩვენი გუნდი სათადარიგო შემადგენლობით გამოვიდა. დანარჩენი ქართველებიდან მედლისთვის მხოლოდ დებიუტანტმა ვახტანგ ხალვაშმა (85) და ირაკლი ქაჯაიამ (98) იჭიდავეს, თუმცა - უშედეგოდ. ხალვაში პირველივე
პირველივე წრეში დამარცხდა ქაჯაიაც და ესეც ირანელთან - მომავალ ფინალისტ ალი ალიარიფაიზაბადისთან. სანუგეშოში ჯერ სომეხი მოვსეს ადამიანი დაამარცხა, მაგრამ ირანელ დავოდ აბედინზადეჩდორჩისთან წააგო.
საინტერესოა, რომ ამ ირანელმა ძირითად ბადეში ირაკლის უფროსი ძმა - მიხეილ ქაჯაიაც დაგვიმარცხა.
![სამი ძმა ყაზბეგიდან - ძმური დინასტიები ქართულ საჭიდაო სამყაროში [PHOTO]](/pictures/image7/4a9ad8d460af6679407d1c9dd96f72df.jpg "სამი ძმა ყაზბეგიდან - ძმური დინასტიები ქართულ საჭიდაო სამყაროში [PHOTO]")
