ევროპის ჩემპიონატი: ზურაბ დათუნაშვილი ჩემპიონია!

AutoSharing Option
7 მაისს, სერბეთის ქალაქ ნოვი სადში ევროპის ჩემპიონატის ბოლო საჭიდაო დღეს ბერძნულ-რომაული სტილით მოჭიდავე ზურაბ დათუნაშვილი (80) ევროპის ჩემპიონი გახდა.

დათუნაშვილმა ფინალში რაძიკ კულიევს ანგარიშით 4:2 მოუგო. აღსანიშნავია, რომ დათუნაშვილი ევროპის ჩემპიონი ზედიზედ მეორედ გახდა. წინა წელს მან 75 კგ-ში იმარჯვა, წელს კი - 80 კგ-ში.

შეგახსენებთ, რომ მერვედფინალში ჩვენებურმა ბულგარელ დანიელ ტიჰომიროვ ალექსანდროვს 3:2 მოუგო. მეოთხედფინალში დათუნაშვილმა ჩეხ პეტრ ნოვაკს 8:0 სძლია, ნახევარფინალში კი რუსი ადლან აკიევი 2:1 დაამარცხა.

რაც შეეხება სხვა მოჭიდავეებს, გოგა აფრიამაშვილმა (71) პირველივე შეხვედრაში შვედ
კნუტ ზაკარიას ტალროტთან ანგარიშით 1:2 წააგო,  გელა ბოლქვაძემ (75) მერვედფინალი უნგრელ ტამას ლორინცთან 1:2 წააგო და მედლისთვის ბრძოლას ჩამოშორდა. რობერტ კობლიაშვილმა (85) კი პირველი შეხვედრა სომეხ მაქსიმ მანუკიანთ 1:2 დათმო.

შეგახსენებთ, რომ წინა დღეს ნოვი სადში ბრინჯაოს პრიზიორები ბერძნულ-რომაული სტილით მოჭიდავე გოგა გოგიბერაშილი და ლევან არაბული გახდნენ.
მკითხველის კომენტარები / 4 /
მარჯი,მარჯი საქართველო!
გივი - გია თუთბერიძე
07:47 08-05-2017
0
ყოჩაღ დათუნაიშვილი! უდიდესი წარმატება არის ზედიზედ მეორედ გამარჯვება ევროპაში. გისურვებთ მომავალ გამარჯვებებს.
ლუკა
01:51 08-05-2017
0

სიახლეები პოპულარული