დიუსელდორფში დღეს, 24 თებერვალს დაწყებულ ძიუდოისტთა გრან პრიზე ოქროს მედლისთვის ორი ქართველი იბრძოლებს - 60 კგ-მდე წონით კატეგორიაში ფინალში ამირან პაპინაშვილი გავიდა, ხოლო 66-ში - ვაჟა მარგველაშვილი.ევროპის ჩემპიონმა, მსოფლიოს მესამეპრიზიორმა პაპინაშვილმა ასპარეზობა მეორე წრიდან დაიწყო და ფრანგ სედრიკ რევოს, ესპანელ ფრანსისკო გარიგოსს და მონღოლ ამარტუვშინ დაშდავაას მოუგო, ოქროს მედლისთვის შეხვედრაში კი კიდევ ერთ მონღოლს - ბოლდბაათარ განბატს დაუპირისპირდება.
ევროპის ჩემპიონმა მარგველაშვილმა გერმანელ მანუელ შაიბელს, ბულგარელ ბოჟიდარ ტემელკოვს, რუს კამალ ხან-მაგომედოვსა და ებრაელ ტალ ფლიკერს აჯობა, ფინალში კი იაპონელ ნორიჰიტო
დიუსელდორფის ტურნირზე ფინალური ბლოკი 20:00 სთ-დან დაიწყება, შეხვედრების ლაივ-სთრიმით ხილვა გულშემატკივარს კი ამ ბმულზე შეუძლია.
დღესვე ტურნირზე ლუხუმ ჩხვიმიანმაც (60 კგ) იასპარეზა, რომელიც სტარტზევე დამარცხდა და ბრძოლას გამოეთიშა.
ასევე იხილეთ:
დიუსელდორფის გრან პრი: ქართველი ძუდოისტების წილისყრა
