ყატარში დასასრულს უახლოვდება მოჭადრაკეთა დიდი საერთაშორისო ტურნირი, რომელშიც საქართველოს ოთხი წარმომადგენელიც მონაწილეობს. გუშინ, 27 დეკემბერს, მე-7 ტურის შეხვედრები გაიმართა. 5 ქულით ერთპიროვნულად მსოფლიოს ჩემპიონი მაგნუს კარლსენი (ნორვეგია) მეწინავეობდა. გუშინ იგი თეთრებით ანიშ გირის (ჰოლანდია) დაუზავდა.
ლიდერთა ჯგუფიდან ასევე ყაიმზე შეთანხმდნენ: იუი იანი (ჩინეთი)-ვლადიმირ კრამნიკი (რუსეთი), რუსლან პონომარიოვი (უკრაინა)-ვესლი სო (აშშ), სერგეი კარიაკინი (რუსეთი)-ნი ჰუა (ჩინეთი), ჰარიკრიშნა (ინდოეთი)-დარიუშ სვერჩი (პოლონეთი), ხოლო შაჰრიარ მამედიაროვმა (აზერბაიჯანი) სურია განგულის (ინდოეთი) აჯობა, სანან სიუგიროვმა (რუსეთი) დმიტრი იაკოვენკო (რუსეთი) დაამარცხა.
ამდენად, შვიდი ტურის შემდეგ 5.5-5.5 ქულით
მე-7 ტურში სოფიო გურამიშვილი ჩიტამბარამ არავინდხთან (ინდოეთი) დამარცხდა, ბელა ხოტენაშვილმა შაჰ საგარს (ინდოეთი) სძლია, ხოლო ნანა ძაგნიძე და ნინო ბაციაშვილი, შესაბამისად, ვენკატეშს (ინდოეთი) და ათუშა პარკუშიანს (ირანი) დაუზავდნენ.
დღეს ბოლოსწინა, მე-8 ტურში კარლსენი შავი ფიგურებით მამედიაროვთან გაარკვევს ურთიერთობას. ქართველები კი ასე დაუწყვილდნენ მეტოქეებს: როი პრანტიკი (ინდოეთი)-ხოტენაშვილი (3.5), პიერ ლუიჯი ბასო (იტალია)-ძაგნიძე (3), ვენკატეში (ინდოეთი)-გურამიშვილი (3), ჰონუსვემი კონგუველი (ინდოეთი)-ბაციაშვილი (2).
(იბეჭდება მცირე ცვლილებით)
ყოველდღიური სპორტული გაზეთი "ლელო"
