ირანში, მოჭადრაკე ქალთა მსოფლიოს ჩემპიონატზე, რომელიც ნოკაუტსისტემით ტარდება, 13 თებერვალს ტაიბრეიკები გაიმართა. შეგახსენებთ, რომ ტურნირში რვა ქართველი ჩაება და მათგან ასპარეზობის სტარტზე ძირითად პარტიებში (ორ-ორი კლასიკური) შეჯიბრებას გამოეთიშნენ სოფიო გვეტაძე (ნინო ბაციაშვილთან წააგო 0:2) და ლელა ჯავახიშვილი (ვიეტნამელმა ლე ტაო ნგუენ ჰამმა სძლია 1.5:0.5).
გუშინ მათი ბედი გაიზიარა ბელა ხოტენაშვილმა - იგი ტაიბრეიკებში იტალიელ ოლგა ზიმინას ვერ გაუმკლავდა, ზედიზედ ორჯერ დათმო 25-წუთიანი პარტიები. დანარჩენი ხუთი ჩვენებური მეორე ეტაპზე გავიდა.
დაძაბული გამოდგა ნანა ძაგნიძისა და ეგვიპტელ ხალედ მონას შეხვედრა. მეტოქეებმა თითო
სოფიკო გურამიშვილმა რაპიდში თეთრებით მასპინძელ სარასადათ ხადემალშარიეხს აჯობა, შავებით დაუზავდა (საერთო ანგარიში 2.5:1.5) და მეორე წრეში უკრაინელ ნატალია ბუკსასთან გაარკვევს ურთიერთობას. ამ უკანასკნელმა პირველ წრეში ჰოანგ თან თრანგი (უნგრეთი, 2.5:1.5) ) ჩამოიშორა გზიდან.
მსგავს წარმატებას მიაღწია სალომე მელიამ, რომელმაც ოთხ პარტიაში 2.5:1.5 მოუგო ევროპის ექსჩემპიონ ეკატერინა ატალიკს (თურქეთი). მეორე წრეში ჩვენებურს უფრო ტიტულოვანი მეტოქე ელის - მსოფლიოს და ევროპის ექსჩემპიონი ანტოანეტა სტეფანოვა, რომელმაც სტარტზე მარერო ლოპესს (კუბა) ორჯერ გააჩერებინა საათი - 2:0.
მესამე რაუნდში ერთი წარმომადგენელი რომ უეჭველად გვეყოლება, ეს ამთავითვეა ცნობილი, რადგან მეორე ეტაპზე დღეს ერთმანეთს ნინო ხურციძე და ნინო ბაციაშვილი ხვდებიან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
