ირაკლი თურმანიძეს, შესაძლოა, ოლიმპიური ვერცხლის მედალი მიაკუთვნონ!

AutoSharing Option
მძიმეწონოსან სომეხ ძალოსანს, გორ მინასიანს, რომელიც რიო დე ჟანეიროს ოლიმპიურ თამაშებზე მხოლოდ ლაშა ტალახაძეს ჩამორჩა და ვერცხლის მედალი მოიპოვა, დოპინგ-ტესტმა დადებითი შედეგი დაუდგინა.

ამის შესახებ საქართველოს ძალოსნობის ფედერაციის პრესსამსახური "ფეისბუქის" გვერდზე, გერმანულ გამოცემა Süddeutsche Zeitung-ზე დაყრდნობით იუწყება.

წყაროს ინფორმაციით, სომეხ ათლეტს ორგანიზმში პრეპარატ Nandrolone-ის კვალი აღმოაჩნდა, რისი დადასტურების შემთხვევაშიც, ოლიმპიადის ვიცე-ჩემპიონად და ვერცხლის მედლის მფლობელად ირაკლი თურმანიძე გამოცხადდება.

შეგახსენებთ, რომ ირაკლიმ რიოში ბრინჯაო მოიპოვა.

აქვე გეტყვით, რომ საქართველოს ოლიმპიურმა დელეგაციამ 7 მედლით (2 ოქრო, 1 ვერცხლი და 4 ბრინჯაო) რიოს მედლების
რეიტინგში 38-ე ადგილი დაიკავა, თუმცა, თუ ირაკლი თურმანიძეს  ვერცხლის მედალს მიაკუთვნებენ, საქართველო (2 ოქრო, 2 ვერცხლი და 3 ბრინჯაო) რეიტინგში 35-ე ადგილზე გადავა.
მკითხველის კომენტარები / 1 /
ვაუ რა მაგარია
0

ასევე დაგაინტერესებთ
სიახლეები პოპულარული