14 წლის ანა შანიძე ბაქოში ჩოგბურთელ ქალთა 10.000-იან საერთაშორისო ტურნირში მონაწილეობს. ერთეულებში მე-8 ნომრადაა განთესილი. გუშინ სტარტზე მან 19 წლის უკრაინელი კატერინა კარპიუკი დაამარცხა - 6:3, 6:2. მერვედფინალში რუს მარია კონონოვასა და მასპინძელ ფიდანა ხალილზადას შორის უძლიერესს შეხვდება.
ანა წყვილებში ავსტრალიელ ალექსანდრა ველტერსთან ერთად რუსების - რალინა კალიმულინას და ანასტასია ნეფიოდოვას დუეტს ვერ გაუმკლავდა - 2:6, 2:6 დამარცხდა.
* * *
იტალიაში გრადოს ქალთა 25.000-იანი ტურნირის ერთეულთა შეჯიბრებას გამოეთიშა სოფიო შაფათავა - გუშინ ჩვენებურს მასპინძელმა კამილა სკალამ სძლია - 6:3, 6:3. მერვედფინალში ინდონეზიელ კრისტოფერ რუნკატისთან გაარკვევს ურთიერთობას. ამ უკანასკნელმა გზიდან რუსი ალექსანდრ ბობორიკინი ჩამოიშორა - 6:2, 5:1 (ჩვენმა ჩრდილოელმა მეზობელმა ტრავმის გამო სეტი ვერ დაასრულა).
(იბეჭდება მცირე ცვლილებით)
ყოველდღიური სპორტული გაზეთი "ლელო"
