თბილისის ახალ სპორტის სასახლეში სამ დღეს გრძელდებოდა დევისის თასის გათამაშების ევრო-აფრიკული ზონის მეორე ჯგუფში საქართველოსა და დანიის ჩოგბურთელ ვაჟთა ნაკრები გუნდების შეხვედრა. ფავორიტად მასპინძლებს მიიჩნევდნენ, მაგრამ პირველივე ორთაბრძოლამ პროგნოზები თავდაყირა დააყენა: მსოფლიოს კლასიფიკაციაში 118-ე ადგილზე მყოფმა 24 წლის ნიკოლოზ ბასილაშვილმა დანიელთა 19 წლის ურეიტინგო კრისტიან სიგსგაარდს პირველი ხელი რის ვაი-ვაგლახით მოუგო ტაიბრეიქში - 7:6, მომდევნო სამი სეტი კი კორტის ბატონ-პატრონი დანიელი ჩოგბურთელი იყო. მან ზედიზედ სძლია ბასილაშვილს - 6:1, 6:4, 6:4 და სტუმრები დააწინაურა.
შემდეგ კორტზე გიორგი ცივაძე (857-ე) და
მართალია, პირველი დღის შემდეგ სტუმრები 2:0-ს იგებდნენ, მაგრამ მასპინძლებს წარმატების იმედის ნაპერწკალი მაინც რჩებოდათ, მაგრამ სტუმრებმა წყვილთა პაექრობისას ცივი შხაპი გადაგვავლეს: ფრედერიკ ნილსენმა და ტომას კრომანმა ნიკოლოზ ბასილაშვილსა და გიორგი ცივაძეს 3:0 სძლიეს (7:6 (7:0), 6:1, 6:2), რითაც შარშან ზედა ეშელონიდან დაქვეითებული დანია პირველ ჯგუფში აღსაზევებელი ორი საგზურისთვის ბრძოლას განაგრძობს, საქართველოს ნაკრებმა კი მეორე ზონაში ადგილის შესანარჩუნებლად უნდა იზრუნოს.
15-17 ივლისს თბილისი ზიმბაბვეს ნაკრებს უმასპინძლებს. ეს უკანასკნელი ფინეთთან დამარცხდა.
6 მარტს ორი ორთაბრძოლა გაიმართა. გიორგი ჯავახიშვილმა (1105-ე) პირველი ხელი ბენჯამინ ჰანესტადთან (1452-ე) 1:6 დათმო; მეორეს 0:3-ს რომ აგებდა, ტრავმის გამო ასპარეზობის გაგრძელება ვერ შეძლო.
ბოლო პაექრობაში კრისტიან სისგაარდმა ირაკლი მეტრეველს (2085-ე) აჯობა - 6:1, 6:1 და დანიის გუნდმა საქართველოს ნაკრები მშრალი ანგარიშით დაამარცხა - 5:0.
მეორე ზონის დანარჩენი შეხვედრები ასე დამთავრდა: ფინეთი-ზიმბაბვე 4:1, ბელორუსი-ეგვიპტე 3:1, ლატვია-მონაკო 3:2, თურქეთი-ბულგარეთი 3:2, სამხრეთი აფრიკა-ლუქსემბურგი 5:0, ლიტვა-ნორვეგია 3:2, ბოსნია-ტუნისი 3:1.
ყოველდღიური სპორტული გაზეთი "ლელო"
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
