ქართველმა ჩოგბურთელმა ნიკოლოზ ბასილაშვილმა უიმბლდონის ტურნირის მეორე წრეში ესპანელი ფელისიანო ლოპესი დაამარცხა - 3:2 (7:5, 3:6, 6:3, 2:6, 6:4). გუშინ მათი გზები ამერიკის ღია პირველობის პირველ წრეში გადაიკვეთა. პირენეელმა რევანში აიღო. არადა, პირველი სეტი ბასილაშვილმა კარგად დაიწყო - 3:1 დაწინაურდა, ტაიბრეიკზე 5:2-საც იგებდა, მაგრამ ლოპესმა ჩვენებურს ხელიდან გამოგლიჯა გამარჯვება - 7:5 და დაწინაურდა 1:0.
მომდევნო ორ ხელში ესპანელმა იოლად აჯობა ჩვენებურს - 6:1, 6:3 და მეორე წრეში გავიდა.
შეგახსენებთ, რომ ბასილაშვილმა ამერიკის ღია პირველობის საკვალიფიკაციო ეტაპზე დაამარცხა ესპანელი ორიოლ როკა ბატალია, ამერიკელი მიტჩელ კრუეგერი, იტალიელი ტომას ფაბიანო და 35 სარეიტენგო ქულაც დაიმსახურა.
ყოველდღიური სპორტული გაზეთი "ლელო"
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
