15 თებერვალს, ჩოგბურთელ ვაჟთა მემფისის (აშშ) ღია პირველობაში თბილისელი ნიკოლოზ ბასილაშვილიც ჩაება. მსოფლიო კლასიფიკაციით 67-ე საფეხურზე მდგომი ქართველი ჩოგბურთელი ტურნირის სტარტზე 22 წლის ავსტრალიელ ჯორდან ტომპსონს (63-ე) დაუპირისპირდა და მეტოქე ორ სეტში დაამარცხა - 6:3, 6:0. შეგახსენებთ, რომ წელს სიდნეის ტურნირში ტომპსონმა 2:0 (7:5, 6:2) სძლია ბასილაშვილს. გუშინ კი ქართველმა ჩოგბურთელმა ღირსეული რევანში აიღო: პირველ სეტში მხოლოდ მერვე და მეცხრე გეიმები აღმოჩნდა დაძაბული, თუმცა ნიკამ ორი ბრეიკით 6:3 აჯობა ტომპსონს. მეორე ხელში კი მეტოქეს წარმატების ყოველგვარი იმედი გადაუწურა - 6:0.
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
