საქართველოს ვაჟ ჩოგბურთელთა ლიდერი ნიკოლოზ ბასილაშვილი 15 თებერვალს მემფისის ღია პირველობაში ჩაებმება. ბასილაშვილი მერვედფინალში რეიტინგის 63-ე ნომერს, ავსტრალიელ ჯორდან ტომპსონს დაუპირისპირდება. მატჩი თბილისის დროით 19:00 სთ-ზე დაიწყება.
ბასილაშვილი და ტომპსონი ერთმანეთს წელს, 10 იანვარს, სიდნეის ტურნირზეც დაუპირისპირდნენ. მაშინ გამარჯვება ავსტრალიელს დარჩა - 7:5, 6:2.
შეგახსენებთ, რომ ახლახან სოფიის ტურნირზე წარმატებულმა გამოსვლამ ქართველ ჩოგბურთელს 90 ქულა მოუტანა და რეიტინგში 20 ადგილით დააწინაურა. ბასილაშვილი ამჟამად 725 ქულით 67-ეა.
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
