ავსტრალიის ღია პირველობა. I დღე: ლეგენდის დაბრუნება და ფავორიტების წვალება

მამაკაცთა ბადეში მთავარი მოვლენა გახდა როჯერ ფედერერის დაბრუნება. მართალია, შვეიცარიელმა წელს უკვე ითამაშა ჰოპმანის თასზე, მაგრამ მისი გუშინდელი მატჩი პირველი ოფიციალური შეხვედრა იყო 8 ივლისის შემდეგ.

ერთ დროს მსოფლიოს მერვე ჩოგანის, ავსტრიელი იურგენ მელცერის წინააღმდეგ მატჩი, კარგი გამოცდა გამოდგა შვეიცარიელისთვის. მე-17 ნომრად განთესილ ლეგენდას ბრეიკის დაბრუნება მოუწია პირველ სეტში, მეორე პარტია წააგო, სამაგიეროდ, მესამე და მეოთხე სეტებში შესანიშნავი ჩოგბურთი აჩვენა - 7:5, 3:6, 6:2, 6:2. მატჩის შემდეგ, ფედერერმა განაცხადა, რომ მელცერთან წაგების შემთხვევაშიც კმაყოფილი იქნებოდა პირველი დღით.

ამ მატჩში საინტერესო ფაქტი მოხდა - 2010 წლის უიმბლდონიდან პირველად, ფედერერმა სეტი წააგო "დიდი სლემის" ტურნირის პირველ წრეში!

* * *
გუშინ, რამდენიმე ხუთსეტიანი მატჩი გაიმართა და სამ მათგანში ფავორიტები თამაშობდნენ.

ძალიან ახლოს იყო წაგებასთან სტენ ვავრინკა. ამერიკის ღია პირველობის ჩემპიონი სლოვაკ მარტინ კლიჟანს ხვდებოდა, რომელსაც ზედიზედ ცხრა მატჩი ჰქოდა წაგებული პროფესიულ ტურში. ვავრინკამ პირველი სეტი დათმო, შემდეგ მომდევნო ორი მოიგო და წააგო მეოთხე ისე, რომ ერთი ბრეიკ-პოინტიც არ ჰქონია. საქმე მეხუთე სეტამდე მივიდა, რომელშიც კლიჟანი ბრეიკით დაწინაურდა - 4:3, რასაც ვავრინკამ მხრიდან ზედიზედ სამი გეიმის აღება და მეორე წრეში გასვლა მოჰყვა.

0:2-ს აგებდა სეტებში მარინ ჩილიჩი პოლონელი იერჟი იანოვიჩის წინააღმდეგ. მაგრამ განმეორდა 2014 წლის ისტორია. მაშინაც, დევისის თასის მატჩში პოლონელი 2:0-ს იგებდა, მაგრამ ხორვატმა შეძლო ზედიზედ სამი პარტიის აღება. იგივე გააკეთა მან გუშინაც და ახლა, მეორე წრეში ბრიტანელ დანიელ ევანსს შეხვდება.

ანერვიულა თავისი გულშემატკივარი კეი ნიშიკორიმ, რომელიც ძალიან არასტაბილური იყო რუსი ანდრეი კუზნეცოვის წინააღმდეგ. იაპონელმა წააგო პირველი სეტი, იოლად აიღო მეორე და მესამე, მეოთხე პარტიის ტაი-ბრეიკზე კი 5:2 იყო დაწინაურებული, მაგრამ მაინც მისცა მეტოქეს მეხუთე სეტის შანსი. თუმცა, ბოლო პარტიაში იაპონელი ისევ ჩვეულ დონეზე ათამაშდა - 5:7, 6:1, 6:4, 6:7(6), 6:2.

უკმაყოფილო დარჩა თავისი თამაშით ენდი მარეი. მსოფლიოს პირველმა ჩოგანმა სამ სეტში მოუგო უკრაინელ ილია მარჩენკოს - 7:5, 7:6(5), 6:2, მაგრამ პირველმა ორმა პარტიამ თითქმის ორი საათი დაიკავა. "ცუდად ვმოძრაობდი, ბურთი ისე არ მიფრინავდა, როგორც წინა დღეებში ვარჯიშების დროს", - განაცხადა მარეიმ, რომელიც მეორე წრეში 19 წლის რუსს ანდრეი რუბლიოვს შეხვდება.

კაცები. I წრე
მარეი (ბრიტ, 1)-მარჩენკო (უკრ) 7:5, 7:6(5), 6:2
რუბლიოვი (რუს)-ლუ (ტაივ) 4:6, 6:3, 7:6(0), 6:3
დე მინორი (ავსტრა)-ჯ. მელცერი (ავსტრია) 5:7, 6:3, 2:6, 7:6(2), 6:1
კუერი (აშშ, 31)-ჰალისი (საფ) 6:7(10), 7:6(4), 6:3, 6:4
ისნერი (აშშ, 19)-კრავჩუკი (რუს) 6:3, 6:4, 6:7(5), 6:1
მ. ზვერევი (გერ)-გარსია ლოპესი (ესპ) 6:3, 7:6(5), 6:4
ჟაზირი (ტუნ)-სოედა (იაპ) 6:3, 6:4, 6:3
ბუბლიკი (ყაზ)-პუი (საფ, 16) 6:0, 3:6, 6:3, 6:4
ბერდიხი (ჩეხ, 10)-ვანი (იტა) 6:1 უარი
ჰარისონი (აშშ)-მაუ (საფ) 6:3, 6:4, 6:2
რუბინი (აშშ)-ფრატანჯელო (აშშ) 6:7(4), 7:5, 3:6, 6:2, 6:2
ფედერერი (შვეიც, 17)-ი. მელცერი (ავსტრია) 7:5, 3:6, 6:2, 6:2
ლაჩკო (სლოვაკ)-რამოს ვინოლასი (ესპ, 26) 4:6, 7:5, 1:6, 6:4, 6:3
სელა (ისრ)-გრანოლერსი (ესპ) 5:7, 6:3, 6:2, 6:0
შარდი (საფ)-ალმაგრო (ესპ) 4:0 უარი
ნიშიკორი (იაპ, 5)-კუზნეცოვი (რუს) 5:7, 6:1, 6:4, 6:7(6), 6:2
ვავრინკა (შვეიც, 4)-კლიჟანი (სლოვაკ) 4:6, 6:4, 7:5, 4:6, 6:4
ს. ჯონსონი (აშშ)-დელბონისი (არგ) 6:3, 6:4, 6:4
ლორენცი (იტა)-დაკუორტი (ავსტრა) 6:4, 7:6(4), 6:7(4), 6:4
ტროიცკი (სერ, 29)-ძუმჰური (ბოს) 6:4, 6:4, 2:6, 2:6, 6:3
შვარცმანი (არგ)-კუევასი (ურუ, 22) 6:3, 6:3, 6:0
დარცისი (ბელ)-გროტი (ავსტრა) 3:6, 6:3, 6:2, 6:2
სეპი (იტა)-მატიო (საფ) 6:4, 7:6(4), 6:7(3), 7:5
კირგიოსი (ავსტრა, 14)-ელიაში (პორ) 6:1, 6:2, 6:2
ცონგა (საფ, 12)-მონტეირო (ბრა) 6:1, 6:3, 6:7(5), 6:2
ლაიოვიჩი (სერ)-რობერი (საფ) 6:3, 6:3, 6:3
ხაჩანოვი (რუს)-მანარინო (საფ) 6:4, 3:6, 7:6(9), 6:3
სოკი (აშშ, 23)-ერბერი (საფ) 6:4, 7:6(4), 6:3
ტომიჩი (ავსტრა, 27)-ბელუჩი (ბრა) 6:2, 6:1, 6:4
ესტრელია ბურგოსი (დომ)-ბედენე (ბრიტ) 7:6(7), 7:5, 0:6, 6:3
ევანსი (ბრიტ)-ბანისი (არგ) 7:6(8), 6:3, 6:1
ჩილიჩი (ხორ, 7)-იანოვიჩი (პოლ) 4:6, 4:6, 6:2, 6:2, 6:3

ყოველდღიური სპორტული გაზეთი "ლელო"