პარიზში გაიმართა კაცებს შორის მსოფლიოს ჩემპიონატის ფინალი, რომელშიც მასპინძელი საფრანგეთის ნაკრები ნორვეგიას ხვდებოდა. სკანდინავიური გუნდი პირველად თამაშობდა პლანეტის პირველობის ფინალურ მატჩში, ფრანგებს კი ჰქონდათ შანსი - მეექვსედ მოეპოვებინათ ოქროს მედლები.პირველ ტაიმში ნორვეგია თითქმის სულ წინ იყო - 14:11, 16:13, მაგრამ ბოლოში ფრანგებმა გაქცევა მოაწყვეს და ტაიმის ბოლო წამზე გატანილი გოლით წინ გასვლაც შეძლეს - 18:17. ამის შემდეგ, სხვაობა მხოლოდ იზრდებოდა საფრანგეთის ნაკრების სასარგებლოდ და საბოლოოდ, შვიდი ბურთი შეადგინა - 32:26.
ჩემპიონების რიგებში ექვსი გოლით საუკეთესო იყო ნიკოლა კარაბატიჩი, რომელიც
როგორც გითხარით, საფრანგეთის ნაკრები მეექვსედ გახდა მსოფლიოს ჩემპიონი (1995, 2001, 2009, 2011, 2015, 2017). ბოლო ხუთი პირველობიდან ფრანგებმა მხოლოდ ერთი წააგეს - მათი ჰეგემონია 2013 წელს ესპანეთმა დაარღვია.
სხვათა შორის, საფრანგეთის ნაკრები ევროპის მოქმედი ჩემპიონია, შარშან, რიოს ოლიმპიურ თამაშებზე კი ვერცხლის მედალი მოიპოვა - ფინალში დანიასთან წააგო.
ყოველდღიური სპორტული გაზეთი "ლელო"
