ქართულმა გუნდმა "არტლაინ ტიმ ჯორჯიამ" და მისმა მფლობელმა შოთა აფხაზავამ ამერიკის ქალაქ სებრინგში (ფლორიდის შტატი) "ლამბორგინის" "ბლანპენ სუპერ ტროფეოს" ევროპული სერიის სეზონის ბოლოს ორმაგი გამარჯვება მოიპოვეს. აფხაზავა მოყვარულთა კატეგორიაში გახდა სერიის ჩემპიონი. მისი გუნდის ეკიპაჟმა, რომელიც პროფესიონალ-მოყვარულთა კატეგორიაში გამოდის და რომელშიც ლატვიელი ჰარალდ შლეგელმილხი და რუსი მიხაილ სტეპანოვი ასპარეზობდნენ, მეორე რბოლა აბსოლუტურ ჩათვლაში მოიგო.
პირველი რბოლა ადვილად მოიგო ამ სეზონის ყველაზე გამორჩეულმა პილოტმა, ფინელმა პატრიკ კუიალამ. მეორეში ბოლო წრეზე შლეგელმილხმა ცნობილ ავტომრბოლელებს გაასწრო და კარიერაში ერთ-ერთი ყველაზე დასამახსოვრებელი გამარჯვება მოიპოვა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
