საქართველოს წყალბურთელთა ნაკრები ოლიმპიადის საკვალიფიკაციოზე დაუშვეს

საქართველოს წყალბურთელთა ნაკრები ოლიმპიადის საკვალიფიკაციოზე დაუშვეს, - ეს სასიხარულო ინფორმაცია lelo.ge-მ გაავრცელა:

"საქართველოს სპორტის საწყლოსნო სახეობათა ეროვნულ ფედერაციაში სასიხარულო ცნობა მოვიდა - საწყლოსნო სახეობათა საერთაშორისო ფედერაციამ საქართველოს წყალბურთელ ვაჟთა ნაკრები 2020 წლის ტოკიოს ოლიმპიური თამაშების სალიცენზიო ტურნირში ოფიციალურად მიიწვია.

- ეს შეჯიბრება 20-26 მარტს ჰოლანდიურ როტერდამში გაიმართება, - გვითხრა საქართველოს წყალბურთელთა ნაკრების მთავარმა მწვრთნელმა რევაზ ჩომახიძემ. - ტოკიოს ოლიმპიადის სამ ან ოთხ საგზურს (ბოლომდე არ არის დაზუსტებული) მსოფლიოს 12 გუნდი გაითამაშებს. ესენი არიან: კანადა, ბრაზილია, ირანი, ყაზახეთი, მონტენეგრო, საბერძნეთი, ხორვატია, რუსეთი, საქართველო, გერმანია, ჰოლანდია და რუმინეთი ან აფრიკის რომელიმე გუნდი. ჯგუფური ეტაპის წილისყრა 20 თებერვალს გაიმართება და მეტოქეთა ვინაობასთან ერთად შეჯიბრების ფორმატიც ზუსტად გვეცოდინება".

საქართველოს წყალბურთელთა ნაკრების ისტორიული შედეგი და მომავლის პერსპექტივა