"ლურჯი ხარებისა" და "ზვიგენების" დაპირისპირება ყოველთვის უმძაფრეს ბრძოლაში მიმდინარეობდა. "ქარის თასის" ბოლო ოთხი მატჩიდან ოთხივე შვიდი ან უფრო ნაკლები ქულის სხვაობით დამთავრდა.
"ბლუ ბულზი" რეაბილიტაციას შეეცდება მე-8 ტურში ერთ-ერთ აუტსაიდერ "პუმასსთან" განცდილი მარცხის გამო - 21:22.
პრეტორიელთა მთავარმა მწვრთნელმა ფრენს ლუდეკმა შემადგენლობაში რამდენიმე ცვლილება განახორციელა. ტრავმის მოშუშების შემდეგ ძირითადს დაუბრუნდა შერკინების მესამეხაზელი იან ფან ველზი. სათადარიგოთა სკამიდან სასტარტოში გადაიყვანა მგეზავი
მაშინ, როცა ლუდეკი ოპტიმალური შემადგენლობის ძიებაშია, "ნატალ შარქსის" მთავარი მწვრთნელი ჯონ პლამტრი არ ცვლის იმ მოთამაშეებს, ვისი წყალობითაც ზედიზედ შვიდი თამაში მოიგო. "ზვიგენები" წლეულს შესანიშნავ რაგბის თამაშობენ და "ლოფტუს ვერსფილდზე" მხოლოდ გამარჯვებისთვის იბრძოლებენ.
პლანეტრუგბყ-ს პროგნოზით, სტუმრები მინიმუმ შვიდი ქულით მოიგებენ.
საინტერესო მატჩი გაიმართება იოჰანესბურგში, სადაც "ლაიონზი" მეორეადგილოსან "ვესტერნ პროვანსს" უმასპინძლებს. "ლომებმა", რომლებმაც სეზონი წარუმატებლად დაიწყეს, ბოლო სამი მატჩიდან სამივე მოიგეს და სატურნირო ცხრილში საპლეიოფო ოთხეულს მიუახლოვდნენ.
"დასავლელებმა" კი პირიქით, "ქარის თასის" გათამაშება რიხით დაიწყეს და მეშვიდე ტურამდე დაუმარცხებელნი იყვნენე. პირველი წრის ბოლო მატჩში მათი აღმასვლა დურბანში "ნატალ შარქსმა" შეაჩერა, ერთი კვირის წინ კი შინ "ჩიტაზთან" ზედიზედ მეორედ წააგო.
პლანეტრუგბყ-ს მიაჩნია, რომ "ლაიონზი" უკეთეს ფორმაშია და მინიმუმ ხუთი ქულით მოიგებს.
IX ტური
გრიკასი-ჩიტაზი, ლეოპარდსი-პუმასი, ლაიონზი-ვესტერნ პროვანსი, ბლუ ბულზი-ნატალ შარქსი
სატურნირო მდგომარეობა
1. ნატალ შარქსი - 35 ქულა, 2. ვესტერნ პროვანსი - 28, 3. ჩიტაზი - 24, 4. ბლუ ბულზი - 23, 5. გრიკასი - 23, 6. ლაიონზი - 20, 7. პუმა
