საქართველოს მორაგბეთა ნაკრებმა რეიტინგში ისტორიულ პოზიციას მიაღწია

მას მერე, რაც იაპონიის ნაკრებმა ტესტმატჩში 16:21 წააგო შოტლანდიასთან, გაირკვა, რომ საქართველოს მორაგბეთა ნაკრები ახალ რეიტინგში ისტორიულ, მე-11 ადგილზე გადავა.

იაპონიის ნაკრებს დააკლდა 0,94 ქულა, ხოლო საქართველოს ნაკრებს ფიჯის დამარცხებისთვის 1,66 ქულა დაემატა. შედეგად, "ბორჯღალოსნებს" 75,23 ქულა აქვთ და მე-11 ადგილზე არიან და მცირედით ჩამორჩებიან ფიჯის, იაპონიას კი უსწრებენ. 

საქართველოს ნაკრები არასოდეს ყოფილა რეიტინგში მე-11 ადგილზე, ეს ისტორიული მიღწევაა. მსოფლიო რაგბი ახალ რეიტინგს ორშაბათს გამოაქვეყნებს.