გოჩა სვანიძე: მიზანი არა "ექვსი ერი", არამედ მსოფლიო ჩემპიონატია!

AutoSharing Option
დღეს, 24 მარტს, სტადიონ "შევარდენის" მედიაცენტრში პრესკონფერენცია გაიმართა, რომელსაც რაგბის კავშირის პრეზიდენტი გოჩა სვანიძე და "ბორჯღალოსანთა" მთავარი მწვრთნელის ასისტენტი ლევან მაისაშვილი უძღვებოდნენ. ორივემ "ბორჯღალოსანთა" ნოემბრის ტესტ-მატჩებზე ისაუბრა.

გოჩა სვანიძე:
"შეგვიძლია ხმამაღლა განვაცხადოთ, რომ გამომდინარე ჩასატარებელი 6 ტესტ-მატჩიდან, ქართული რაგბის გულშემატკივრებს სასიამოვნო წელი ელით. ეს არის გამოწვევა ჩვენთვის. გვსურს, ძალიან დიდი მადლობა გადავუხადოთ ჩვენს პარტნიორ "მსოფლიო რაგბის", რომლის დახმარებითაც ამ ეტაპზე გავედით.

ნაკრები ძლიერი შემადგენლობით ჩაატარებს ამ მატჩებს. მინდა ხაზი გავუსვა, რომ ფრანგულ გუნდებს არავინ ეკითხება, ვინ იქნება ჩვენს ნაკრებში და ვინ - არა. ამას ჩვენ გადავწყვეტთ - გავითვალისწინებთ მოთამაშეთა ინტერესებს და ამის მიხედვით მოვიწვევთ ნაკრებში. ყველა ეროვნული ნაკრების წევრისთვის უპირველესი რამ ყოველთვის ეროვნული ნაკრები იყო და არ მინდა ვინმემ კითხვის ნიშნის ქვეშ დააყენოს ეს.

ამ ტესტ-მატჩებიდან ყველაზე რთული მეტოქე შოტლანდიაა, რომელმაც ბოლო წლებში ძალიან დიდი პროგრესი განიცადა. მათთან თამაში ჩვენთვის უდიდესი გამოცდა იქნება, რაც სამომავლოდ მხოლოდ დადებითად წაგვადგება. მინდა გულშემატკივარმა გაითვალისწინოს, რომ ჩვენი გუნდი 4-წლიან მზადების პროცესზეა გადასული. 

ჩვენი სამიზნე არასდროს ყოფილა "ექვს
You must have Flash Player installed in order to see this player.
ერში" მოხვედრა. ჩვენი მიზანი ყოველთვის მსოფლიოს ჩემპიონატია!"

ლევან მაისაშვილი:
"წელიწადში ამდენი თამაში და ამდენი სერიოზული მეტოქე ჯერ არ გვყოლია. დიდი იმედი მაქვს, რომ ამ თამაშებზე შევძლებთ ყველა იმ მოთამაშის გამოძახებას, ვისაც მოვიაზრებთ ნაკრებში. ყველა ხედავს, რომ "ერთა თასის" დონეს ავცდით და გვჭირდება ახალი ძლიერი მეტოქეები - მხოლოდ ამ შემთხვევაშია შესაძლებელი განვითარება. ყველა იმ ახალგაზრდას, ვინც მოიაზრება შემდეგ მსოფლიო ჩემპიონატზე ნაკრებისთვის, მიეცემა ამ ტესტ-მატჩებში თამაშის უფლება.

იაპონიის ნაკრები არის მაგალითი იმ დიდი შრომისა, რომელმაც მიაღწია ძალიან კარგ შედეგს. ისინი ჩემთვის შრომისმოყვარეობის და დისციპლინის ეტალონები არიან. ამიტომ ჩემთვის, მოთამაშეებისთვისა და მწვრთნელებისთვის მათთან თამაში ძალიან კარგი და სასიამოვნო იქნება. ბევრი რამ გამოჩნდება ამ თამაშში".

შეგახსენებთ, რომ საქართველოს მორაგბეთა ეროვნული ნაკრები ნოემბერში ორ ტესტ-მატჩს ჩაატარებს და ორივეში მასპინძლის სტატუსი ექნება. ერთ-ერთი მეტოქე იაპონიის ნაკრები იქნება, რომელიც დედაქალაქს 12 ნოემბერს ესტუმრება. 18-ში "ბორჯღალოსნები" სამოას უმასპინძლებენ.
მთავარია რაგბი რეგიონებში გავიდეს და იქ ათამაშდნენ ბავშვები. მაგალითად ყაზბეგში გაზრდილი ბავშვი უფრო ჯანმრთელია და თანაბარ პირობებში უფრო უკეთესი სპორტსმენი გაიზრდება ვიდრე თბილისში გაზრდილი. თითქმის ყველა დიდი ქართველი სპორტსმენი რეგიონებიდან იყო. ეს თუ არ მოხდა რაგბი ვეღარ განვითარდება. ყველა რეგიონს თავისი გუნდი უნდა ყავდეს. მეგრელები გურულები და სხვები უნდა თვლიდნენ რომ მათ ყავთ თავისი გუნდი და იმას უგულშემატკივრონ. ხომ გჯერათ, რომ გურულები მეგრელებს ზუგდიდში რომ მოუგებენ მეორე თამაშზე სტადიონზე მთელი სამეგრელო მოვა.
dimi
14:02 25-03-2016
0
კარგია, რომ დაბლოკეთ, ცხელ გულზე გავაკეთე კომენტარი
sandro K.
10:39 25-03-2016
0

ახალ ტურნირი,
მეორე ათეულის საუკეთესო 8 გუნდს შორის!

ყოველ წელს,მიმოსვლით!!!

დავარქვათ თუნდაც :
,,ელიტისათვის თასი,,
,,ზვიგენის თასი,,
(ისედაც ოკეანეთის გუნდები ითამაშებენ ! -
იაპონია,ტონგა,ფიჯი,სამოა,
კანადა-აშშ,საქართველო-რუმინეთი)
,,შესანიშნავი 8,,


4 წელი ასეთი ტურნირი და 6 ერი ა ქ ე თ შემოგვთავაზებს 6 ერი - ,,7 ერად,,

შევქმნათ და ძლიერი ტურნირი ჩამოვაყალიბოთო!

ამისათვის უ ნ დ ა იბრძოლოს დღევანდელმა ფედერაციამ და მოლაპარაკებები დ ღ ე ს ვ ე დაიწყონ...

მსოფლიო ჩემპიონატი რომ ძირითადი პრიორიტეტია,

ეს თ ა ვ ი ს თ ა ვ ა დ !

glaxuna
17:09 24-03-2016
0
ძალიან კარგი ტესტებია და ამ ეტაპზე სრულიად საკმარისი ჩვენთვის. ეხლა მთავარია ყველა შევკრიბოთ და რეგურალურად გვეძლეოდეს ყოველ წელს მსგავსი ტესტები. აშშ, კანადა, არაგენტინა, იაპონია, სამოა, ფიჯი, ტონგა, შოტლანდია, ირლანდია, იტალია, საფრანგეთი - ეს ის გუნდებია რომლებთანაც უკვე გვქონდა ან წელს გვექნება ტესტები და იმედია მომდევნო წლებშიც ამათთან გვექნება. იტალია რატომაცაა ამ სიაში მიხვდებით, საფრანგეთს კი თავისი კრიზისიდან გამომდინარე თვითონვე უნდა ქონდეს ჩვენთან შეხვედრის სურვილი
მინდია
16:40 24-03-2016
0
წელს მაგარი ტესტები იქნება. კუნძელელებთან და იაპონიასთან თამაში მაგრად წაგვადგება.
giga
16:28 24-03-2016
0
მე ვფიქრობ, რომ ყველაზე პროგრესირებადი ნაკრები სწორედ საქართველოს ნაკრებია, თუ ამჩნევთ, საქართველოს ყოველი მომდევნო თამაშში რაღაც სიახლეა, რაღაც უფრო დახვეწილია, მაგ. რუმინეთთან აუტებს ძალიან ხშირად ვიგებდით, რაც აქამდე ფაქტიურად ჩვენი აქილევსის ქუსლი იყო, ჩვენ საბედნიეროდ ძალიან, ძალიან კარგი მწვრთნელი გვყავს, დინჯად, აუჩქარებლად ავდივართ სულ უფრო და უფრო მაღალ სიმაღლეებზე.
ბბ
15:58 24-03-2016
0
დღეს ყველაზე სწრაფად პროგრესირებადი იაპონიის ნაკრებია და საინტერესო იქნება მათთან ძალების გამოცდა. 5 წელიწადში იაპონია არგენტინაზე არანაკლები სიძლიერის მქონე გუნდი იქნება. მათგან ბევრი რამის სწავლა და გადმოღება შეიძლება.
........
14:59 24-03-2016
0
დროა ერთა თასის მაგივრად რამე ახალი ტურნირი გაჩარხოს ფედერაციამ
0
მსგავსი სიახლეები
სიახლეები პოპულარული