მილტონ ჰეიგმა ვლადიმირ ვაისს საქართველოს ნაკრებში წარმატების მიღწევის გზა ასწავლა

ევროპის ერთა თასის გათამაშების ბოლო ტურში რუმინეთთან მოგების (38:9) შემდეგ, "ბორჯღალოსანთა" მთავარ მწვრთნელ მილტონ ჰეიგს, მატჩის შემდგომ პრესკონფერენციაზე ჟურნალისტებმა საფეხბურთო ეროვნული ნაკრების ახალი უცხოელი მწვრთნელისთვის იმ რჩევების მიცემა სთხოვეს, რის წყალობითაც ვლადიმირ ვაისი წარმატებას მიაღწევს...

საქართველო-რუმინეთი 38:9 [თამაში დასრულდა]
"ბორჯღალოსნები": ექვსი ერისთვის მზად ვართ და ვისაც ეჭვი ეპარება, ჩამოვიდეს!

რაგბის ახალზელანდიელი სპეციალისტი ფეხბურთის სლოვაკ მწვრთნელს ურჩევს, საქართველოში იცხოვროს და კარგად გაეცნოს ქვეყანასა და მის კულტურას, რათა შედეგს მიაღწიოს.

"საქართველოს საფეხბურთო ეროვნული ნაკრების მთავარ მწვრთნელს, როგორც უცხოელს, ვურჩევ, აქ ჩამოვიდეს და იცხოვროს,

შეიგრძნოს აქაურობა და აქაური კულტურა. წინააღმდეგ შემთხვევაში, ვერანაირ წარმატებას ვერ მიაღწევს".

შეგახსენებთ, რომ "ბორჯღალოსნები" ევროპის ერთა თასსა და ანთიმოზ ივერიელის თასს დაეუფლნენ, რომელიც ტრადიციულად, საქართველო-რუმინეთის დაპირისპირებაში თამაშდება.