მილტონ ჰეიგი: ახლა ჩვენ გვექნება პატივი, ვუმასპინძლოთ თუნდაც "ოლ ბლექსს"

AutoSharing Option
საქართველოს მორაგბეთა ეროვნული ნაკრების მთავარმა მწვრთნელმა მილტონ ჰეიგმა "მსოფლიო რაგბის" ახალი საერთაშორისო (სანაკრებო) კალენდრის შესახებ ისაუბრა.

შეგახსენებთ, რომ ცოტა ხნის წინ "მსოფლიო რაგბიმ" 2020-32 წლების საერთაშორისო კალენდარი დაამტკიცა, რომლის მიხედვით, საქართველოს და მეორე ეშელონის სხვა გუნდებს ბობოლების წინააღმდეგ მეტი ტესტის შესაძლებლობა, ასევე, მათი მასპინძლობის შესაძლებლობა ეძლევა.

- "მსოფლიო რაგბიმ" ახალი კალენდარი დაამტკიცა - რა შეიცვლება საქართველოსთვის
- New Zealand Herald: "ოლ ბლექსი" თბილისში? ეს შეიძლება მოხდეს

"ეს წინ გადადგმული ნაბიჯია არა მხოლოდ საქართველოსთვის, არამედ მეორე ეშელონის ნებისმიერი სარაგბო ქვეყნისთვის.

ახალი
კალენდრის საკითხს საკმაოდ დიდი ხნის განმავლობაში განიხილავდნენ და ბედნიერი ვარ, რომ გადაწყვეტილება საბოლოოდ იქნა მიღებული და ის უკვე 2020 წლიდან შევა ძალაში.

ამას საქართველოს და სხვა მეორე ეშელონის ქვეყნების თვალით შევხედოთ - წარმოიდგინეთ, რომ ახლა 16 წლის მორაგბე ხართ და დაფიქრდით, რამხელა პერსპექტივას მოგიტანთ ეს ახალი კალენდარი სულ რაღაც 4 წელიწადში.

მაგრამ ახალი კალენდრის უმთავრესი დადებითი მხარე ისაა, რომ ჩვენ გვექნება პატივი, ვუმასპინძლოთ ისეთ ნაკრებებს, როგორებიცაა შოტლანდია, უელსი, ინგლისი, ირლანდია და თუნდაც "ოლ ბლექსი".

თუ გვინდა, რომ ყოველი შემდგომი მსოფლიოს თასი უფრო კონკურენტუნარიანი იყოს, ამ ნაბიჯის გადადგმა აუცილებელი იყო".

ვიდეოინტერვიუ მსოფლიოს რაგბის "ფეისბუქის" გვერდზე გამოქვეყნდა.
მკითხველის კომენტარები / 19 /
კალათბურთში რა შუაშია? იქ ჩამოყავთ საშუალოზე დაბალი დონის გამთამაშებლები და ეგეთი დონის უკანახაზელები ჩვენც კი გვყავს რაგბში...
musenbezi
14:05 22-03-2017
0
ნატურალიზება პრობლემას არ ჭრის რამდენი წელია კალათბურთში დგას ეს საკითხი თითქმის ყოველ სეზონში ახალ ახალი არის საძებნი და უმეტესობამ არ გაამართლა უნდა გაძლიერდეს საკლუბო დონე
0

ასევე დაგაინტერესებთ
სიახლეები პოპულარული