მეტოქეები: გერმანიის კატასტროფა, იტალიის -20, ლიტვამ ლატვიას ვერ აჯობა

გერმანიის ქალაქ ჰამბურგში ოთხთა საკალათბურთო ტურნირი - "სუპერთასი" მიმდინარეობდა, რომლის მასპინძელი იყო ევრობასკეტზე საქართველოს ნაკრების ერთ-ერთი მეტოქე - გერმანია. მეტოქეები იყვნენ - რუსეთი, სერბეთი და პოლონეთი.

გერმანიას შეუერთდა თავისი მთავარი ვარსკვლავი, "ატლანტა ჰოქსის" გამთამაშებელი დენის შრიოდერი. სწორედ ის იყო პირველ ტურში რუსეთის წინააღმდეგ გამარჯვების მთავარი გმირი - შრიოდერმა 28 ქულა ჩააგდო, ხოლო მისმა გუნდმა 79:76 (19:21, 20:20, 17:19, 23:16) მოიგო.

გერმანელი კალათბურთელების სტატისტიკური მონაგარი ასეთი იყო: შრიოდერი (28), ბარტელი (12), შტაიგერი (10), ტაისი (10), მაოდო ლო (7), ტიმანი (6), ჰარტენშტაინი (5), ჰეკმანი (1).

შაბათს გერმანიამ მეორე მატჩში პოლონეთის წინააღმდეგ ითამაშა და, ამჯერად, დამარცხდა - 75:80 (15:19, 21:16, 20:23, 19:22).

გერმანია: შრიოდერი (26+6 პასი), ჰეკმანი (7), ლო (7), ტაისი (6), ტიმანი (6), დორეტი (6), ბარტელი (5+8 მოხსნა), აკპინარი (5), ვარგასი (4), კინგი (3).

გუშინ გერმანია მესამე ტურში სერბეთის ნაკრებს შეხვდა და ამ მატჩში ბრძოლა არ შედგა - სერბებმა 31 ქულის სხვაობით გაანადგურეს მასპინძელი - 87:56 (27:17, 17:17, 19:6, 24:16).

გერმანია: შრიოდერი (16), ტიმანი (8), ჰარტენშტაინი (7), ბარტელი (6), აკპინარი (6), ლო (5), დორეტი (3), შტაიგერი (3), ჰეკმანი (2).

ტურნირის ჩემპიონი სერბეთის ნაკრები გახდა, რომელმაც სამივე მატჩი მოიგო.

საქართველოს ნაკრების კიდევ ერთი მეტოქე - იტალიის ნაკრები ქალაქ ტულუზაში თამაშობს ოთხთა ტურნირზე საფრანგეთის, მონტენეგროსა და ბელგიის ნაკრებებთან ერთად.

პირველ ორ მატჩში იტალიამ ასეთი შედეგები აჩვენა:

იტალია-მონტენეგრო 67:66
14:20, 12:19, 20:14, 21:13
იტალია: ბელინელი (24), დატომე (10), არადორი (6), ბერნსი (5), მალი (5), პასკოლო (4), ჰეკეტი (3), ფილოი (3), როსი (3), ბილიგა (2), აბასი (2).

იტალია-ბელგია 60:80
15:16, 13:22, 18:25, 14:17
იტალია: მელი (11), ბელინელი (10), ბილიგა (8), ჰეკეტი (8), დელა ვალე (7), დატომე (8), ჩერვი (4), ბერნსი (4).

კვირას, ბოლო ტურში იტალია მასპინძელ საფრანგეთის ნაკრებს შეხვდება.

ლიტვის ნაკრებმა ლატვიას უმასპინძლა და პირველი ტაიმი 13 ქულით წააგო, რის შემდეგაც ვეღარ დაეწია მეტოქეს.

ლიტვა-ლატვია 77:87
12:20, 20:25, 24:21, 21:22
ლიტვა: ლეკავიჩუსი (16), კუზმინსკასი (14), კალნიეტისი (11), მოტეიუნასი (8), ვალანჩუნასი (8), მაჩიულისი (7), გეჩევიჩუსი (6), მილაკნისი (3), გუდაიტისი (3), კაირუსი (1).

(იბეჭდება მცირე ცვლილებით)
ყოველდღიური სპორტული გაზეთი "ლელო"