"გოლდენ სტეიტმა" შესაძლოა, ზაზა ფაჩულიას სერიოზული კონკურენტი დაიმატოს

AutoSharing Option
digitaljournal.com და სხვა ამერიკული საიტები ავრცელებენ ცნობას, რომლის მიხედვითაც, "გოლდენ სტეიტი" ცენტრის პოზიციის გაძლიერებას აპირებს.

ექსპერტთა საერთო შეფასებით, ასოციაციის ფინალისტს საუკეთესო შემადგენლობა ჰყავს, თუმცა ცენტრის პოზიცია ყველაზე სუსტია. ამიტომ გუნდის ხელმძღვანელობა "მილუოკის" ცენტრფორვარდის, გრეგ მონროს დამატებას აპირებს.

შეგახსენებთ, რომ გასულ სეზონში "გოლდენ სტეიტს" სამი ცენტრი ჰყავდა: ენდრიუ ბოგუტი, ანდერსონ ვარეჟაო და ფესტუს ეზელი. ვარეჟაო დარჩა და ის ახალწვეულ ზაზა ფაჩულიას შემცვლელად მოიაზრება, ბოგუტი და ეზელი კი გუნდიდან წავიდნენ.

გამოცემის მტკიცებით, მონრო ყველა საკითხში ფაჩულიაზე უკეთესი ცენტრია, ის "მილუოკიში" სეზონში საშუალოდ 15
ქულასა და 9 მოხსნას აკეთებდა. სხვათა შორის, ზაზა "მილუოკიში" სწორედ მონრომ შეცვალა.

ამ ტრანსფერისთვის "გოლდენ სტეიტი" შონ ლივინგსტონისა და ანდრე იგუოდალას დათმობას აპირებს.

მკითხველის კომენტარები / 10 /
მონრო არ არის ფაჩულიაზე ძლიერი ცენტრი და ქულებსაც იმიტომ აგროვებდა ამდენს, რომ მილუოკში თამაშობს. ზაზა რომ მოლუოკში თამაშობდა გუნდი პლეიოფშიც გავიდა და ჩიკაგოსთანაც მაგრად იბრძოლა მიუხედავად იმისა, რომ წამყვანი მოთამაშე გამოაკლდათ სეზონის ბოლოსკენ. მონრო რომ დომინანტი ცენტრი იყოს, ისიც გაიყვანდა გუნდს პლეიოფში

ზაზას რამოდენა პოტენციალი აქვს დალასში გადასვლის მერე კარგად გამოჩნდა, გუნდში რომლის მიზნები რადიკალურად განსხვავდება პროვინციული მილუოკისგან და კაცმა ისე ითამაშა პირველივე სეზონში, რომ ცოტა დააკლდა ოლსტარამდე, რითაც აქ კომენტარების დამწერების არ ვიცი და დანარჩენი საქართველო კი ნამდვილად ამაყობდა

რაც შეეხება გოლდენ სტეიტს - ჯერ ერთი მგონია, რომ ლივინგსტონსა და იგუადალას არ შეეხებიან, რადგან საჩემპიონო გუნდი ძლიერი სათადარიგო სკამის გარეშე წარმოუდგენელია და თანაც კევინ დურანტის ტრანსფერმა ისედაც იძულებული გახადა სახელფასო ჭერის გამო ძველ, გამოცდილ კალათბურთელებს გამომშვიდობებოდა, მგონია რომ ასეთ რადიკალურ ცვლილებებზე არ წავლენ არც ისე მაღალი დონის ცენტრის - მონროს გადმოსაყვანად. გოლდენ სტეიტში ცენტრიდან არავინ ითხოვს ქულების ზღვას, მაგისთვის ძალიან ძლიერი უკანა ხაზი ჰყავს კარის, ტომპსონის და რათქმაუნდა დურანტის სახით. მე ისიც მგონია, რომ წელს გრინსაც შეუმცირდება ქულები და უფრო დაცვაზე იქნება ორიენტირებული ვიდრე შარშან, რადგან გუნდში მოვიდა ბევრი სპეციალისტის (და პირადად ჩემიც) აზრით საუკეთესო თავდამსხმელი ლიგაში და ის უბურთოდ ნამდვილად არ ირბენს, ბურთის ფლობაც და მითუმეტეს სროლაც ბევრს შეუმცირდება დურანტის გამო. ასე რომ ზაზადან არავინ ელის ქულების მოგროვებას, ზაზა და გრინი მაქსიმალურად იქნებიან ფარის დაცვაზე ორიენტირებული და კაცი, რომელსაც 28 მოხსნა აქვს მოგროვილი როგორმე გაართმევს თავს ფარის დაცვას, ამასტან ზაზას ძალიან კარგი პასი აქვს, მე ვიტყოდი ცენტრის პოზიციისთვის საუკეთესოც კი და ამ მხრივაც ძალიან კარგად ჯდება გოლდენ სტეიტის სწრაფ და კომბინაციურ თამაშში. ზაზა აუცილებლად მაგრად ითამაშებს წელს ახალ გუნდში, ამის მჯერა მე.

რაც შეგეხებათ დაბოღმილ ხალხს - არ არის სირცხვილი, რომ რომელიმე სპორტის სახეობაში ვერ ერკვეოდე, მაგრამ სირცხვილი, როცა ამისდა მიუხედავად მაინც ეჭვქვეშ აყენებ შენი ქვეყნის ერთ-ერთი ყველაზე წარმატებული სპორტსმენის შესაძლებლობებს. აი მე მაგალითად კარგად ვერ ვეერკვევი ბალახის ხოკეიში და არც დადებით და არც უარყოფით აზრს ამ სპორტზე არ გამოვთქვამ და თქვენც თუ თავად ვერ ერკვევით კალათბურთში, მოიძებნეთ ისეთი ვინმე ვინც ერკვევა და თან ასეთი დამიჯერეთ საქართველოში ძალიან ბევრია, თან მრავალფეროვნებისთვის იქნებ ხანდახან კალათბურთის მატჩებსაც უყუროთ, რომ გაიგოთ ვინ სად და როგორ ირჯება
ქუთათური
16:43 30-08-2016
0
შენ ძმა ზაზას კალათბურთი თუ არ მოგწონს, გამოდის რომ ქართულ კალათბურთს არ აფასებ. სახელზე გეტყობა რომ ფეხბურთის გულშემატკივარი ხარ და წადი და ჭიჭუეიშვილებს უგულშემატკივრე სტადიონზე და კალათბურთის გულშემატკივრებს დაანებე თავი შენი კომენტარებით
maradona - ს
16:09 30-08-2016
0

ასევე დაგაინტერესებთ
სიახლეები პოპულარული