სატრანსფერო სიახლეები
ყველაზე კითხვადი სტატიები
არქივის კალენდარი
«« დეკემბერი 2016 »»
ორ სა ოთ ხუ პა შა კვ
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ზაზა ფაჩულიამ NBA-ს მიმდინარე სეზონში 25-ე ორმაგი დუბლი მიითვალა [VIDEO]
10:31 10-03-2016
PLAYER_GET_VIDEOFLASH
"დალას მავერიკსმა" დღეს, გამთენიისას, "დეტროიტ პისტონს" უმასპინძლა და 96:102 დამარცხდა. ამ მატჩამდე გამართულ 2 შეხვედრაში ზაზა ფაჩულიამ ჯამში 25 წუთი ითამაშა, "დეტროიტთან" კი მოედანზე მთელი 35 წუთით გამოჩნდა და სეზონის 25-ე ორმაგი დუბლი მიითვალა.

ქართველი ცენტრი სასტარტო ხუთეულის დანარჩენ წევრებთან ერთად
დიდად დაიტვირთა.

ხუთეულიდან ყველაზე ნაკლები - 34 წუთი ვესლი მეთიუზმა ითამაშა, ხოლო ყველაზე მეტი - 37-37 წუთი ჩენდლერ პერსონსმა და დერონ უილიამსმა. ფაჩულიამ 6-დან 3 ორქულიანი და 5-დან 4 საჯარიმო ჩააგდო. 10 ქულასთან ერთად ზაზამ 13 მოხსნა და 1 პასი მიითვალა. საუკეთესო შედეგი დირკ ნოვიცკიმ დააფიქსირა, რომელმაც 35 წუთში 25 ქულა, 10 მოხსნა და 3 პასი მიითვალა.

დალასელებმა მატჩი ბოლო მეოთხედში წააგეს, როცა დეტროიტელთა 12:2 გაქცევა გაეპარათ და სტუმრებმა მოპოვებული უპირატესობა აღარ გაუშვეს. გადამწყვეტი გამოდგა მარკუს მორისის 2 სამქულიანი, რომელიც დეტროიტელმა ფორვარდმა ბოლო პერიოდში ჩააგდო.

დასავლეთ კონფერენციაში დალასელებს ჰიუსტონელები წამოეწივნენ. ორივე გუნდს 33 მოგება და 32 მარცხი აქვს და მე-7-მე-8 ადგილებს ინაწილებენ. 12 მარტს ფაჩულიას გუნდი "ინდიანას" უმასპინძლებს.

მომზადებულია gbf.ge-ს მიხედვით
მკითხველის კომენტარები (0)
კომენტარი ჯერ არ გაკეთებულა.