ზაზა ფაჩულია "გოლდენ სტეიტში" კიდევ ერთი წლით დარჩა

USA TODAY-ის NBA-ს რეპორტიორი სემ ემიკი "ტვიტერზე" პირველი ავრცელებს ცნობას, რომ ზაზა ფაჩულია "გოლდენ სტეიტს" შეუთანხმდა და კიდევ ერთი წლით ჩემპიონთა რიგებში დარჩა.

ჟურნალისტის მტკიცებით, ქართველმა ცენტრმა კლუბთან ერთწლიანი კონტრაქტი გააფორმა, რომლის სანაცვლოდაც 3,5 მილიონ დოლარს მიიღებს. შეგახსენებთ, რომ ზაზას ხელფასი შარშან სეზონში 2,9 მილიონი დოლარი იყო.

ასე რომ, "გოლდენ სტეიტის" შემადგენლობა თითქმის დაკომპლექტდა, თავისუფალი მხოლოდ ერთი ადგილია.

33 წლის ფაჩულიას მონაგარი საჩემპიონო სეზონში ასეთია - 18,1 წუთი: 6,1 ქულა, 5,9 მოხსნა და 1,9 პასი.