ზაზა ფაჩულიას დამატება "უორიორსის" გენერალური მენეჯერის 10 საუკეთესო სვლაში შეიყვანეს

The Mercury News-მა "გოლდენ სტეიტ უორიორსის" გენერალური მენეჯერის, ბობ მაიერსის ათი საუკეთესო სვლა გამოაქვეყნა.

მერვე ნომრად სიაში ზაზა ფაჩულიას დამატებაა ამ სეზონის წინ.

"ზაზა ფაჩულია პირველი "მაღალია", რომელიც მაიერსმა დაიმატა ყველა იმის საკომპენსაციოდ, რასაც მოედანზე ენდრიუ ბოგუტი აკეთებდა. ფაჩულიას თამაში ერთი შეხედვით არ არის მიმზიდველი, მაგრამ, როგორც ვესტმა, მანაც კარგად იცის თავისი როლი გუნდში.

ეს როლი კი ბევრი შავი სამუშაოს შესრულებაა სასტარტო ხუთეულში - "სქრინების" დაყენება, ფიზიკური თამაში ფარქვეშ, იოლი სასროლი სიტუაციის გამონახვის მცდელობები. ფაჩულია ბოლომდე იბრძვის დაკარგული ბურთებისთვის. ეს ყველაფერი კი მას გუნდელთა ფავორიტად აქცევს, ზოგიერთი ფანატისგან განსხვავებით, რომლებიც მისი თამაშის დეტალებს ვერ წვდებიან", - წერს გამოცემა.

სტატიას გამოკითხვაც ერთვის: ფანების 0,94% მიიჩნევს, რომ საუკეთესო სვლა ბობ მაიერსის გენერალური მენეჯერობის პერიოდში სწორედ ფაჩულიას დამატებაა.

პირველ ადგილზეა ანდრე იგუდალას დამატება და გაყიდვა - 44,7%, მეორეზე - კევინ დურანტის გადაბირება - 43,4%, მესამეზე ჯავალ მაკგის აყვანა - 4,91%.