საქართველოს ნაკრების სასტარტო ხუთეულის ყველა კალათბურთელი ტრავმირებულია

AutoSharing Option
კიდევ კარგი, საქართველოს ნაკრებს თამაშები თებერვლის დასაწყისში არ უწევს! - ჩვენი გუნდის სასტარტო ხუთეულის ყველა წევრი ტრავმირებულია. მანუჩარ მარკოიშვილმა და ვიქტორ სანიკიძემ შემოდგომაზე ოპერაციები რომ გაიკეთეს და, სავარაუდოდ, სეზონის ბოლომდე რომ მოუწევთ რეაბილიტაცია, ჩვენმა მკითხველმა უკვე იცის.

მუხლის ტრავმა აქვს თორნიკე შენგელიას, რომელიც ამ თვის შუაში გასამართავ ესპანეთის სამეფო თასს გამოტოვებს. ზაზა ფაჩულიას მხრის კუნთი აქვს გაჭიმული და სავარაუდოდ, 11 თებერვალს დაუბრუნდება მოედანს.

სასიამოვნო ამბავი ნამდვილად არ არის, მაგრამ საქართველოს ნაკრების ტრავმირებულთა ხუთეული გამთამაშებელმა გიორგი ცინცაძემ შეავსო.

მან "ქუთაისის" მიერ
შაბათს გამართული "კაკტუსთან" სუპერლიგის მატჩი გამოტოვა, კუნთი გაუწყდაო, თქვეს ახალ სპორტის სასახლეში. სიტუაციაში უკეთ გასარკვევად თავად გიორგის დავუკავშირდით.

- მუცლის არეში კუნთი მაქვს გაწყვეტილი. საქმე ძალიან სერიოზულად არ არის, ათი დღე მომიწევს დასვენება. შემდეგ კი, იმედი მაქვს, ჩვეულ რეჟიმში გავაგრძელებ ვარჯიშს და თამაშს, - გვითხრა გიორგიმ, რომელიც იმერულ გუნდთან ერთად საქართველოს ჩემპიონობისთვის იბრძვის.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 3 /
რა მოუვიდათ ამ ჩვენ სპორსმენებს ხშირათ რომ ემართებათ ტრავმები რაღაც გვაკლია ალბათ
nukri
15:57 09-02-2017
0
კბილიც ასტკივდეს.
სოსო
11:35 08-02-2017
0

ასევე დაგაინტერესებთ
სიახლეები პოპულარული